The news is by your side.

Advertisement

راولپنڈی، ریسکیو اہلکار نے پالتو بلی کی جان بچا کر اعلیٰ مثال قائم کردی

راولپنڈی: پنجاب کے شہر راولپنڈی میں ریسیکیو اہلکار نے گڑھے میں گری پالتو بلی کی جان بچا کر اعلیٰ مثال قائم کردی۔

تفصیلات کے مطابق راولپنڈی میں کے ایک خالی پلاٹ کے گڑھے میں پالتو بلی گر گئی اور باہر نکلنے سے قاصر تھی، بلی کے مالک کی جانب سے ریسکیو اہلکار کو کال کی گئی جس پر فوری رسپانس دیتے ہوئے ریسکیو اہلکار نے بلی کو بچالیا۔

رپورٹ کے مطابق راولپنڈی کے علاقے لالہ زر کے ایک خالی پلاٹ میں بلی گری تھی، بلی کے مالک جوہر مجید کی جانب سے ریسکیو اہلکاروں کو اطلاع دی گئی۔

جوہر مجید اور علاقہ مکینوں کی جانب سے ریسکیو اہلکاروں کے اقدام کو سراہا گیا اور ان کا شکریہ ادا کیا گیا۔

ذرائع کے مطابق 2018 پنجاب میں 1.09 ملین لوگوں کی جانب سے ریسکیو اہلکاروں کو ایمرجنسی کال کی گئی اور ریسکیو اہلکاروں کی جانب سے 7 منٹ کے اندر رسپانس دیا گیا۔

صوبے بھر میں 2017 میں ایمرجنسی کال میں 30 فیصد اضافہ ہوا۔

مزید پڑھیں: ٹریفک پولیس اہلکار نے گٹرسے کتے کو بحفاظت نکال لیا، آئی جی سندھ کا انعام کا اعلان

یاد رہے کہ رواں سال اپریل میں شہر قائد کے علاقے کلفٹن میں بلاول ہاؤس کے قریب تعینات ٹریفک پولیس اہلکار کی نظر ڈیوٹی کے دوران مین ہول میں گرنے والے کتے پر پڑی تو اس نے اپنے کپڑوں کی پرواہ کیے بغیر کتے کو باحفاظت گٹر سے باہر نکالا۔

آئی جی سندھ کلیم امام نے ٹریفک پولیس اہلکار کے جذبہ ہمدردی اور جانور کی جان بچانے پر اسے شاباش دی اور پچیس ہزار روپے نقد انعام دینے کا اعلان کیا تھا۔

Comments

یہ بھی پڑھیں