The news is by your side.

Advertisement

جاپان کی ٹرین میں روز سفر کرنے والی بلی

آپ جب روزانہ اپنے گھر سے دفتر یا اسکول جانے کے لیے ایک مخصوص راستے پر سفر کرتے ہیں تو سفر کے دوران کئی چہرے آپ کے جانے پہچانے بن جاتے ہیں۔ یہ وہ لوگ ہوتے ہیں جو آپ کے ہم سفر ہوتے ہیں اور تقریباً روز آپ سے ٹکراتے ہیں۔

لیکن جاپان کے دارالحکومت ٹوکیو میں لوگ اپنے زیر زمین ٹرین کے سفر کے دوران ایک بلی کو بھی دیکھنے کے عادی ہیں جو تقریباً روز ان کی ہم سفر ہوتی ہے۔

cat-2

یہ تقریباً 3 سال پرانی بات ہے جب ٹوکیو کے سیبو ایکبکورو سب وے میں لوگوں نے ہفتے میں کئی روز اس بلی کو دیکھا۔ ایک مخصوص اسٹاپ سے سوار ہونے والی یہ بلی ہر بار ایک ہی جگہ اترتی ہے۔

cat-4

بعض افراد نے دعویٰ کیا ہے کہ شام میں واپسی کے سفر میں بھی انہوں نے کئی بار اس بلی کو دیکھا جس سے یوں لگتا ہے کہ دن بھر کام کرنے کے بعد بلی بھی تھکی ہاری اپنے گھر جارہی ہے۔

cat-5

متعدد افراد نے اس بلی کی تصاویر کھینچ کر اپنے سماجی رابطوں کی ویب سائٹ ٹوئٹر اور فیس بک پر پوسٹ کیں جس کے بعد دیگر کئی افراد نے بھی اس بلی کے سفر کی تصدیق کی۔

اس بلی کو دیکھنے والے افراد کا کہنا ہے کہ یہ بلی سفر کے آداب سے بھی واقف لگتی ہے۔ روز ٹرین میں داخل ہو کر وہ ایک کونے کی سیٹ پر چڑھ کر بیٹھ جاتی ہے جو اس کی مخصوص سیٹ بن چکی ہے۔

cat-3

کئی بار وہ راستے میں اونگھتی ہوئی بھی پائی گئی لیکن اس کے بیٹھنے یا سونے سے کبھی کسی کو کوئی زحمت نہیں پہنچی۔

Print Friendly, PDF & Email

Comments

comments

یہ بھی پڑھیں