یہ 3 سال قبل 17 جولائی 2014 کی بات ہے۔ دنیا ابھی ملائیشین ایئر لائنز کے طیارے ایم ایچ 370 کی پراسرار گمشدگی سے خوف و ہراس میں مبتلا تھی کہ اسی بدقسمت ایئر لائن کا ایک اور طیارہ ایم ایچ 17 بدترین حادثے کا شکار ہوگیا۔
یہ ایک معمول کی پرواز تھی جسے ایمسٹرڈیم سے کوالا لمپور جانا تھا، سب کچھ معمول کے مطابق تھا۔ جیسے ہی طیارہ یورپی ملک یوکرین کے مشرقی حصے میں داخل ہوا، جہاز میں ایک دھماکہ ہوا اور جہاز بدترین تباہی کا شکار ہوگیا۔
حادثے میں جہاز میں موجود تمام 283 مسافر اور عملے کے 15 افراد ہلاک ہوگئے۔
مزید پڑھیں: جہاز کے حادثے کی صورت میں ان اقدامات سے جان بچانا ممکن
جیسا کے بعد کی تفتیش سے علم ہوا کہ اس طیارے کو روسی میزائل سے اس وقت نشانہ بنایا گیا تھا جب یہ یوکرین میں روس کے حمایت یافتہ باغیوں کے علاقے کے اوپر سے گزر رہا تھا۔
حادثے کی تحقیقات میں ڈچ سیفٹی بورڈ بھی شامل تھا اور اب اسی بورڈ نے حادثے کی ایک کمپیوٹر جنریٹڈ ویڈیو جاری کی ہے جس میں بتایا گیا ہے کہ حادثہ ممکنہ طور پر کس طرح پیش آیا ہوگا۔
ویڈیو میں جہاز کو نشانہ بنانے والے میزائل کی ساخت اور اس کے ممکنہ نقصانات کے بارے میں بھی بتایا گیا ہے۔
گو کہ گزشتہ برس مرنے والوں کے لواحقین نے یورپی عدالت برائے انسانی حقوق میں روس اور روسی صدر ولادی میر پیوٹن کے خلاف مقدمہ دائر کرنے کا فیصلہ بھی کیا، تاہم تاحال اس بھیانک حادثے کے ذمہ داران آزاد ہیں۔
آپ بھی یہ خوفناک ویڈیو دیکھیں اور فیصلہ کریں کہ ان معصوموں کی اس دردناک موت کا ذمہ دار کون ہے اور انہیں کس طرح کیفر کردار تک پہنچایا جائے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
