لندن: سوشل میڈیا پر وائرل ہونی والی ہرنوں کی نایاب تصویر نے ایک نئی بحث چھیڑ دی ہے۔

غیرملکی خبررساں ادارے کی رپورٹ کے مطابق برطانیہ کے علاقے ’بوسکیسل‘ میں 4 ہرنوں کی ایک ساتھ تصویر نے سوشل میڈیا پر دھوم مچادی، تصویر میں دیکھا جاسکتا ہے کہ ہرن اپنے درمیان تقریباً 6 فٹ کا فاصلہ رکھ کر کھڑی ہیں۔

سیکڑوں صارفین نے کروناوائرس کے تناظر میں تبصرہ کرتے ہوئے ہرن کے اقدام کو قابل تعریف قرار دیا۔ ایک صارف نے لکھا کہ انہوں نے وہ کام کردکھایا جو انسان نہیں کررہے۔ خیال رہے کہ لاک ڈاؤن کے باعث سڑکیں خالی ہونے سے جانور انسانی آبادیوں میں چہل قدمی کے لیے نکل آتے ہیں۔

برطانیہ میں بھی چار ہرن جنگل سے ٹہلتے ہوئے سڑکوں پر آگئیں، کیمرے کی آنکھ نے ایسی حیران کن عکس بندی کی جس میں ایسا گمان ہورہا ہے کہ جانوروں نے سماجی فاصلہ اختیار کر رکھا ہے۔

ایک صارف کا کہنا تھا کہ جانوروں کو نہیں پتہ وہ کیا کررہے ہیں لیکن انسانوں کو چاہیے کہ وہ ان سے سیکھیں۔ واضح رہے کہ دنیا بھر کی طرح برطانوی حکام نے بھی شہریوں کو احتیاطی تدابیر اختیار کرنے کی سختی کی ہے۔