The news is by your side.

Advertisement

اب بیرون ملک جانے والوں سے 2800 روپے ایئرپورٹ چارجز لیے جائیں گے

کراچی: سول ایوی ایشن اتھارٹی کا کہنا ہے کہ بیرون ملک جانے والوں سے 2800روپے ایئرپورٹ چارجز لیے جائیں گے جبکہ غیر ملکی مسافر کے لیے چارجز 20 ڈالر رکھے گئے ہیں ، فیسوں کااطلاق یکم نومبر2019 سے ہوگا۔

تفصیلات کے مطابق سول ایوی ایشن اتھارٹی نے نئی ایوی ایشن پالیسی پر عمل شروع کردیا اور ایئرپورٹ چارجز اور امبارکیشن فیس میں اضافہ کردیا، جس کے بعد بیرون ملک جانے والوں سے 2800روپے ایئرپورٹ چارجز لیے جائیں گے جبکہ غیر ملکی مسافر کے لیے چارجز 20 ڈالر رکھے گئے ہیں۔

تمام ایئر پورٹس پرعالمی پروازوں کے لیے یکساں امبارکیشن فیس کا اطلاق کیا گیا ہے ، امبارکیشن فیس سمیت دیگر نظر ثانی شدہ فیسوں کااطلاق یکم نومبر2019 سے ہو گا۔

نئی امبارکیشن فیس اکانومی کلاس کے لیے 2، بزنس کلاس کے لیے3 ہزار روپے مقرر کی گئی ہے جبکہ ایئر لائنز کو فیس میں فرق پرمبنی رقم کی چیک ان کاونٹرز پر وصولی سے روک دیا گیا۔

گزشتہ تاریخوں میں یکم نومبر کےبعد کے لیے خریدےگئے ٹکٹوں پر بھی نئی فیس کا اطلاق ہوگا۔

دوسری جانب سول ایوی ایشن اتھارٹی نے عالمی پروازوں پرایئروناٹیکل چارجز میں اضافہ کردیا ہے ، کراچی اورلاہور ریجن کےلیےغیر ملکی ایئرلائن پرچارجز کااطلاق یکم نومبرسے ہوگا۔

سی اے اے نے ایئرناٹیکل چارجز میں دس فیصد تک اضافہ کیا ہے ، جن میں لینڈنگ ،ری فیولنگ، ایئر برج، ٹرمینل نیوی گیشن اور ایئرپورٹ چارجز شامل ہیں۔

پیک آورز کے دوران لینڈنگ چارجز میں بھی 25 فیصد اضافہ کیا گیا ہے ، لاہور اور اسلام آباد ایئرپورٹ پر اطلاق ہوگا ، 2 گھنٹے کے اندر ری فیولنگ کرائی گئی تو 2 سے 5 فیصد چارجز اضافہ ہوگا۔

لاہور ایئرپورٹ پرغیر ملکی ایئرلائنز کی ایئربرج پارکنگ فیس میں اضافہ کیا گیا ، 100 ٹن کےدوران 160 ڈالر وصول کیے جائیں گے جبکہ کراچی ایئر پورٹ پر 100 ٹن پر 225 ڈالر وصول کیے جائیں گے۔

سول ایوی ایشن اتھارٹی نے ایئرپورٹ چارجز اورایمبارکیشن سمیت دیگر فیسوں میں اضافہ کردیا ہے، جس کا اطلاق یکم نومبر سے ہوگا

Comments

comments

یہ بھی پڑھیں