لاہور(17 جولائی 2025): کرائم کنٹرول ڈپارٹمنٹ (سی سی ڈی) نے یو اےای سے 5 مطلوب اشتہاری گرفتار کرلیے ہیں۔
تفصیلات کے مطابق بیرون ملک فرار اشتہاریوں کے خلاف سی سی ڈی کا ایکشن جاری ہے، اسپیشل آپریشن سیل نے یو اےای سے 5 مطلوب اشتہاری گرفتار کر لیے۔
ترجمان کا کہنا ہے کہ ملزمان قتل اور مالی فراڈ کے سنگین مقدمات میں پولیس کو مطلوب تھے، سیالکوٹ پولیس کو مطلوب محمد جمیل، نارووال کے گل باز خان کو گرفتار کرلیا۔
ترجمان سی سی ڈی کا کہنا ہے کہ فیصل آباد پولیس کو مطلوب محمد الیاس اور شہزام خورشید کو گرفتار کیا، پولیس کو مالی فراڈ کے کیس میں مطلوب نوید ڈار گرفتار کرلیا، سی سی ڈی ٹیم تمام ملزمان کو لےکر آج لاہور پہنچے گی۔
دوسری جانب سندھ پولیس کو دہشت گردی کے مقدمے میں مطلوب اشتہاری کو گرفتار کرلیا، لاہور کی ڈولفن ٹیم نےگلشن راوی سے اشتہاری صدیق کو گرفتار کیا۔
ترجمان ڈولفن کا کہنا ہے کہ ملزم کیخلاف تھانہ گلشن اقبال کراچی میں دہشتگردوں کی مالی معاونت وسہولت کاری کا مقدمہ درج ہے، ملزم کیخلاف 6 سال قبل مقدمہ درج کیا گیا تھا،گرفتاری سے بچنےکیلئے لاہور روپوش ہوگیا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں