The news is by your side.

Advertisement

کراچی میں چوروں کو پکڑنے کے لئے لگائے گئے کیمرے بھی چوری

کراچی : شہرقائد میں چوروں کو پکڑنے کےلئے لگائے گئے سی سی ٹی وی کیمرے بھی چوری ہوگئے۔ چارارب کی لاگت سے نئے کیمرے لگائے جائیں گے۔

تفصیلات کے مطابق کراچی میں لگائے گئے سی سی ٹی وی کیمرے چوروں کو کیا پکڑتے۔ وہ خود ہی چوری ہوگئے۔ اس بات کا اعتراف ڈی آئی جی ایڈمن غلام سرورجمالی نے سینٹ کی قائمہ کمیٹی کے اجلاس میں کیا۔

ڈی آئی جی کراچی نے بتایا کہ شہر قائد میں بائیس سو سی سی ٹی وی کیمرے لگائےگئے تھے۔ نصف سے زائد خراب ہیں اوربہت سے کیمرے چوری ہوگئے۔

غلام سرورجمالی نے اعتراف کیا کہ شہر میں دو میگا پکسل کے کیمرے لگائے گئے تھےجن سےکسی کی بھی شناخت بہت مشکل ہے۔

اس موقع پر انہوں نے کیمروں کی خریدار ی میں بے قاعدگی کا اعتراف بھی کیا۔ ڈی آئی جی کا کہنا تھا کہ تمام کیمرے تبدیل کرنے کا فیصلہ کیا گیا ہے۔

انہوں نے بتایا کہ شہر میں پانچ تا آٹھ میگا پکسل کے دس ہزار سے زائد کیمرے لگائےجائیں گےجس کے لئے چار ارب روپے درکار ہوں گے۔

 

Comments

comments

یہ بھی پڑھیں