امریکی ریاست ٹیکساس کے شہر ہیوسٹن میں پارکنگ میں کھڑی خاتون کے ساتھ افسوسناک واقعہ پیش آیا۔
ہیوسٹن پولیس کی جانب سے اس واقعے کی سی سی ٹی وی فوٹیج جاری کی گئی جس میں دیکھا جاسکتا ہے کہ ایک خاتون اپنی گاڑی میں خریدا گیا سامان رکھ رہی ہیں۔
ویڈیو میں عمر رسیدہ نظر آنے والی خاتون نے سپر اسٹور سے کریانے کا سامان خریدا اور وہ اُسے ٹرالی میں ڈال کر گاڑی تک لائیں تھیں۔
خاتون ابھی سامان گاڑی میں منتقل کر ہی رہیں تھیں کہ اسی دوران وہاں پر ایک کار سوار آیا جس نے اترتے ہی خاتون کا پرس اٹھایا اور واپس گاڑی میں بیٹھ کر کار دوڑا دی۔
خاتون نے اپنا پرس بچانے کی کوشش کی مگر وہ ناکام ہوئیں اور کار سوار وہاں سے فرار ہوگیا۔
CCTV captures man stealing purse in car park pic.twitter.com/6nPE78y5sy
— The Independent (@Independent) January 29, 2021
متاثرہ خاتون نے ہیوسٹن پولیس کو واقعے سے متعلق آگاہ کیا جس کے بعد پولیس نے سی سی ٹی وی فوٹیجز حاصل کر کے اس کی ایک ویڈیو بھی جاری کی تاکہ شناخت ہوسکے۔ پولیس نے شہریوں سے اپیل اگر وہ اس شخص کے بارے میں جانتے ہیں تو فوراً اطلاع دیں۔