تازہ ترین

غیر ملکی باشندوں پر فائرنگ، ویڈیو سامنے آ گئی

کراچی: شہر قائد کے علاقے سپر ہائی وے جمالی پل کے قریب غیر ملکی باشندوں پر فائرنگ کے واقعے کی سی سی ٹی وی فوٹیج اے آر وائی نیوز نے حاصل کر لی۔

تفصیلات کے مطابق آج سپر ہائی وے پر جمالی پل کے قریب چینی باشندوں کی گاڑی پر فائرنگ کا واقعہ پیش آیا تھا، گاڑی میں موجود چینی شہری اس حملے میں محفوظ رہے تھے۔

اے آر وائی نیوز نے واقعے کی سی سی ٹی وی فوٹیج حاصل کر لی ہے، فوٹیج میں غیر ملکی باشندوں کو اپنے ترجمان اور شو روم ملازمین کے ساتھ گاڑی چیک کرتے دیکھا جا سکتا ہے۔

فوٹیج کے مطابق 2 موٹر سائیکل سوار ملزمان قریب آئے اور نشانہ لگا کر فائرنگ کی، دونوں موٹر سائیکل سوار شلوار قمیض میں ملبوس تھے، فائرنگ ہوتے ہی شو روم کا ایک ملازم اندر کی طرف بھاگا، دوسری طرف ملزمان اطمینان سے فائرنگ کرتے ہوئے فرار ہوگئے۔

شوروم انتظامیہ کا کہنا ہے کہ غیر ملکی باشندے شو روم پر گاڑی خریدنے آئے تھے، فائرنگ کے بعد بھی انھوں نے گاڑی کی ٹرائی لی۔ چینی باشندہ اپنے ترجمان کے ساتھ ایک آن لائن ٹیکسی میں آیا تھا اور دوسری میں واپس گیا۔

دوسری طرف واقعے کے بعد پولیس کا کہنا تھا کہ فائرنگ میں غیر ملکی باشندے محفوظ رہے تھے۔

Comments

- Advertisement -