کراچی کے علاقے اولڈ سٹی ایریا ٹمبر مارکیٹ کے قریب تاجر شہزاد جعفری کے قتل کی سی سی ٹی وی فوٹیج منظر عام پر آگئی۔
کراچی کے علاقے ٹمبر مارکیٹ کے قریب دو ملزمان نے فائرنگ کی جس کے نتیجے میں تاجر جاں بحق ہوگیا۔ مقتول تاجر شہزاد جعفرافی لکڑی کا کاروبار کرتا تھا۔
پولیس حکام کا کہنا تھا کہ واقعہ بظاہر ٹارگٹ کلنگ کا معلوم ہوتا ہے، لواحقین کے بیانات لینے کے بعد صورتحال واضح ہوجائے گی۔
پولیس کا کہنا ہے کہ مارکیٹ صدر ودیگر افراد سے معلومات حاصل کی ہیں، بھتے سے متعلق کوئی شکایت سامنے نہیں آئی ہے۔
تاہم اب واقعے کی سی سی ٹی وی فوٹیج سامنے آئی ہے جس میں تاجر شہزاد جعفرانی کو دکان میں بیٹھے دیکھا جاسکتا ہے، فائرنگ کی غرض سے کوئی بھی شخص دکان میں داخل نہیں ہوا۔
تاجر شہزاد جعفری کو دکان کے باہر سے چلنے والی ایک گولی سر میں لگی جس کے بعد وہ گر گئے۔
ٹمبر مارکیٹ کے تاجر شہزاد جعفرانی کو کیسے قتل کیا گیا سی سی ٹی وی فوٹیج سامنے اگئی pic.twitter.com/qUIXSxdFyz
— Nazir Shah (@SsyedHhussain) December 20, 2023
پولیس کا بتانا ہے کہ ملزمان نے دکان کے باہر سے فائرنگ کی، جائے وقوعہ سے گولیاں کے تین خول قبضے میں لیے ہیں، واقعے سے متعلق مزید تحقیقات جاری ہیں۔
نذیر شاہ کراچی میں اے آر وائی نیوز سے وابستہ نمائندہ خصوصی ہیں، وہ 16 سال سے زائد عرصے سے اپنے شعبے میں مصروف عمل ہیں اور انویسٹیگیٹو نیوز بریکنگ میں مہارت رکھتے ہیں، اور کراچی کے جرائم اور پولیس نظام سے متعلق گہری سمجھ بوجھ کے حامل ہیں۔