لبنان میں آج رات سے جنگ بندی کا امکان ہے جس کے لیے تیاریاں کی جارہی ہیں۔
عرب میڈیا کے مطابق امریکی صدر ٹرمپ اور لبنان کے صدر جوزف عون کے درمیان ٹیلیفونک رابطہ ہوا ہے جس میں ممکنہ جنگ بندی پر بات چیت کی گئی۔
صدر ٹرمپ کہہ چکے ہیں لبنان اورچاسرائیلی حکام جمعرات کو 34سال بعد براہ راست بات کریں گے۔
غیرملکی میڈیا کا کہنا ہے کہ لبنان میں آج رات سے جنگ بندی کا امکان ہے اور لبنانی فوج نے جنگ بندی کی تیاری شروع کر دی ہے۔
فنانشل ٹائمز کی رپورٹ کے مطابق اسرائیل اور لبنانی عسکریت پسند گروہ کے درمیان جنگ بندی ’’اسی ہفتے‘‘ نافذ ہو سکتی ہے، اور غالب امکان ہے کہ یہ اس وقت عمل میں آئے گی جب اسرائیلی زمینی افواج جنوبی لبنان کے اہم قصبے بنت جبیل پر قبضہ مکمل کر لیں گی، یہ بات اس معاملے سے واقف دو افراد نے بتائی۔
لبنان میں جاری تنازع امریکا اور اسرائیل کی ایران کے خلاف جنگ کے خاتمے کی وسیع تر کوششوں میں ایک بڑی رکاوٹ بن چکا ہے، جو 28 فروری کو شروع ہوئی تھی۔ امریکی صدر ڈونلڈ ٹرمپ نے گزشتہ منگل ایران کے ساتھ 14 روزہ جنگ بندی کا اعلان کیا تھا، جو اسرائیل پر بھی لاگو ہوتی تھی، لیکن واشنگٹن اور تہران اسلام آباد میں ہفتے کے اختتام پر ہونے والے مذاکرات میں مستقل امن معاہدے پر متفق نہ ہو سکے تھے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں