The news is by your side.

Advertisement

چھت کا پنکھا بچے پر گرا، معمولی خراش بھی نہ آئی، ویڈیو دیکھیں

جسے اللہ رکھے اسے کون چکھے یہ مثل مشہور ہے لیکن یہاں ہم آپ کو ایک ایسی ویڈیو دکھا رہے ہیں جس پر یہ مثل من وعن صادق آتی ہے۔

سوشل میڈیا پر ان دنوں ایک ویڈیو وائرل ہوئی ہے جس میں دیکھا گیا ہے کہ ایک گھرانہ کھانا کھانے میں مشغول ہے کہ چھت پر چلتا پنکھا اچانک نیچے گرتا ہے لیکن بچے سمیت کسی کو معمولی خراش نہیں آتی۔

ویڈیو شیئرنگ کی ایپ ٹک ٹاک پر یہ ویڈیو شیئر کی گئی جس میں وقوعہ کا مقام نہیں ہے لیکن نظر آتے لوگوں کے حلیے اور انداز سے یہ جنوب مشرقی ایشیا کے کسی ملک کی ویڈیو محسوس ہوتی ہے۔

ویڈیو میں دیکھا جاسکتا ہے کہ گھر میں ایک خاندان جس میں خاتون، دو مرد اور تین بچے شامل ہیں زمین پر دسترخوان بچھائے کھانا کھانے میں مصروف ہیں، اسی دوران دو مردوں کے درمیان بیٹھا بچہ بار بار اوپر چھت کی طرف دیکھتا ہے، شاید وہ چھت پر چلنے والے پنکھے کی حالت میں کسی غیر معمولی تبدیلی کا مشاہدہ کرتا ہے۔ لیکن کسی بڑے کی اس طرف نظر نہیں جاتی۔

ابھی کھانا چل ہی رہا ہوتا ہے کہ بچہ اوپر چھت پر دیکھتا ہوا معمولی سا یا چند انچ اپنی جگہ سے سرکتا ہے کہ اسی دوران چھتت پر چلنے والا پنکھا اچانک نیچے گرتا ہے، لیکن قدرت کا کرشمہ کہ بچے سمیت کسی کو خراش نہیں آتی جب کہ پنکھا گرتے ہی دوسری جانب بیٹھی ماں فوراً دوڑ کر وہاں آتی اور فرط جذبات سے بیٹے کو اپنے ساتھ چمٹا لیتی ہے۔

اسی ویڈیو میں پنکھا گرنے کی سلو موشن عکاسی بھی کی گئی ہے جس سے پتہ چلتا ہے کہ اگر چند لمحے قبل بچہ اپنی جگہ سے تھوڑا آگے نہ ہوتا تو شاید بڑا نقصان ہوسکتا تھا، اسی کو تو کہتے ہیں جسے اللہ رکھے اسے کون چکھے۔

Comments

یہ بھی پڑھیں