The news is by your side.

ورلڈکپ میں تاریخی کامیابی پر جشن، سعودی عرب میں عام تعطیل کا اعلان

فیفا ورلڈکپ میں سابق عالمی چیمپئن ارجنٹینا کے خلاف سعودی عرب کی تاریخی کامیابی پر مملکت میں جشن کا سماں ہے۔

ٹیم کی شاندار فتح کی خوشی میں خادمین حرمین شریفین شاہ سلمان بن عبدالعزیز نے چھٹی کا اعلان کر دیا ہے۔

بدھ کے روز سعودی عرب کے تمام اداروں، اسکولوں میں عام تعطیل ہو گی۔ شاہی فرمان کے مطابق تمام سرکاری و نجی ادارے بند رہیں گے۔

فیفاورلڈ کپ کےگروپ سی میں سعودی عرب نے ارجنٹائن کو ایک کے مقابلے میں 2 گولز سے شکست دی۔ سعودی عرب میں شہری سعودی ٹیم کی جیت پرجشن منارہےہیں۔

سعودی عرب کی جیت پر دارالحکومت ریاض میں بھی فٹبال شائقین کی جانب سے جشن منایا گیا جس کی ویڈیو سوشل میڈیا پر وائرل ہورہی ہیں۔

ویڈیو میں دیکھا جاسکتا ہے کہ ریاض میں فٹبال شائقین میچ دیکھ رہے ہیں اور جیسے ہی میچ ختم ہوا لوگ جیت کا جشن منانے لگے۔

Image

Comments

یہ بھی پڑھیں