The news is by your side.

Advertisement

زمین سے محبت کا اظہار، پاکستان سمیت دنیا بھر میں ارتھ آور منایا گیا

کراچی: پاکستان سمیت دنیا بھر میں زمین سے محبت اور ماحولیاتی اثرات سے بچنے کے لیے ارتھ آور منایا گیا، ملک کے مختلف شہروں میں ساڑھے  آٹھ بجتے ہی بیشتر روشنیاں گل کر دی گئیں، مرکزی تقریب پارلیمنٹ ہاؤس میں منعقد ہوئی۔

تفصیلات کے مطابق موسمیاتی تبدیلیوں کے باعث زمین کو لاحق خطرات سے آگاہی کے لیے شہریوں نے ارتھ آور منایا، جس کے تحت زمین پر بسنے والے لاکھوں افراد نے زمین سے محبت کا اظہار کیا جبکہ پاکستان کے تمام چھوٹے بڑے شہروں میں رات ساڑھے آٹھ بجے بیشتر روشنیاں گُل کردی گئیں۔

غیر ضروری روشنیاں بجھا کر زمین کو آرام دیں

دار الحکومت اسلام آباد میں ارتھ آور کی خصوصی تقریب پارلیمنٹ ہاؤس کے پارکنگ ایریا میں منعقد ہوئی ہوئی، ارتھ آور پر ملک بھر کے سرکاری اور نجی عمارتوں سمیت ایئرپورٹس پر بھی بیشتر بتیاں بجھا دی گئیں، اے آر وائی نیوز کے اسٹوڈیو میں بھی غیر ضروری بتیاں بند کردی گئیں۔

خیال رہے کہ دنیا میں سب سے پہلے ارتھ آور کا آغاز ہانگ کانگ میں ہوا جہاں زمین سے محبت کرنے والوں نے بلند وبالا عمارتوں کی رضا کارانہ طور پر بتیاں بجھا دیں، انٹرنیشنل ارتھ آور منانے کا مقصد ماحولیاتی تبدیلی کے حوالے سے عوامی شعور اجاگر کرنا ہے۔

پاکستان سمیت دنیا بھر میں ارتھ آور ڈے آج منایا جا رہا ہے

واضح رہے کہ دنیا بھر میں ماحولیاتی تبدیلیوں کے نتیجے میں کرہ ارض کا درجہ حرارت مسلسل بڑھ رہا ہے جس کے سبب ماحول پر منفی اثرات مرتب ہو رہے ہیں، لوگوں کو اس حوالے سے آگاہی فراہم کرنا ارتھ آور کا اہم مقصد ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں