سندھ کے مختلف شہروں میں موبائل فون سروس بند ہونا شروع -
The news is by your side.

Advertisement

سندھ کے مختلف شہروں میں موبائل فون سروس بند ہونا شروع

کراچی: سندھ کے مختلف شہروں میں موبائل فون سروس بند ہونا شروع ہوگئی ہے۔ موبائل فون سروس رات 9 بجے تک معطل رہے گی۔

تفصیلات کے مطابق محرم الحرام میں سیکیورٹی کے پیش نظر صوبہ سندھ کے شہروں سکھر، دادو اور خیرپور میں موبائل فون سروس بند کی جاچکی ہے۔

محکمہ داخلہ سندھ نے عاشورہ کے 3 روز سیکورٹی خدشات کے سلسلے میں موبائل فون سروس بند رکھنے کا فیصلہ کیا ہے۔

سیکریٹری داخلہ سندھ کا کہنا ہے کہ موبائل سروس ماتمی جلوس کے روٹس پر صبح 10 سے رات 9 بجے تک معطل رہے گی۔

محکمہ داخلہ کے اعلامیہ کے مطابق موبائل فون سروس کراچی کے علاوہ، حیدر آباد، سکھر، نواب شاہ اور دیگر شہروں میں بھی معطل رہے گی۔

علاوہ ازیں سیکورٹی خدشات کے پیش نظر کراچی میں آج سے 10 محرم تک رات بارہ بجے تک موٹر سائیکل کی ڈبل سواری پر بھی پابندی عائد کردی گئی ہے۔

محکمہ داخلہ نے اس سلسلے میں کہا ہے کہ محرم الحرام کی سیکورٹی کے سلسلے میں شہر قائد میں تین دن کے لیے موٹر سائیکل کی ڈبل سواری پر پابندی عائد رہے گی۔

Comments

comments

یہ بھی پڑھیں