آل پاکستان سیمنٹ ڈسٹری بیوٹرز ایسوسی ایشن نے سیمنٹ انڈسٹری پر بےجا ٹیکسز کے باعث ہڑتال کا اعلان کر دیا۔
آل پاکستان سیمنٹ ڈسٹری بیوٹر کے پیٹرن انچیف چوہدری منیر کے مطابق بھاری ٹیکسز کی وجہ سے سیمنٹ کی قیمتوں میں اضافہ ہو گیا ہے۔
انہوں نے کہا کہ آج سے ہڑتال کا اعلان کرتے ہیں، کوئی بھی ڈیلر کمپنیوں سے سیمنٹ نہیں اٹھائے گا، مطالبات کی منظوری تک ہڑتال جاری رہے گی۔
سیمنٹ ڈیلرز کے پیٹرن انچیف نے مزید کہا کہ ری ٹیلرز پر ٹیکس نہیں لگایا جاسکتا، پوائنٹ آف سیلز کا مسئلہ حل ہونا چاہیے۔
ایسوسی ایشن کے مطابق سیمنٹ کی بوری کی قیمت 500 روپے ہونی چاہیے تھی جو 1500 روپے تک پہنچ گئی ہے، سیمنٹ ڈیلرز ایسوسی ایشن کے پاس ہڑتال پر جانے کے سوا کوئی چارہ نہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں