The news is by your side.

Advertisement

کراچی سینٹرل جیل میں 200 سے زائد قیدی کرونا وائرس کا شکار

کراچی کے سینٹرل جیل میں 200 سے زائد قیدیوں میں کرونا وائرس کی تشخیص ہوگئی۔

اے آر وائی نیوز کی رپورٹ کے مطابق جیل حکام نے 200 سے زائد قیدیوں میں کرونا کی تشخیص کی تصدیق کرتے ہوئے کہا کہ جیل اسٹاف کے 9 ارکان بھی وائرس میں مبتلا ہوئے۔

جیل حکام کا کہنا ہے کہ کرونا میں مبتلا ہونے والوں میں جیل اسٹاف اور افسران بھی شامل ہیں، سینٹرل جیل میں پہلے 40 قیدیوں کے کرونا ٹیسٹ مثبت آئے تھے۔

ذرائع کا کہنا ہے کہ کرونا وائرس میں مبتلا قیدیوں کے بیرکوں میں مزید ٹیسٹ کرانے کا فیصلہ کیا گیا ہے۔

مزید پڑھیں: سندھ میں 24 گھنٹوں میں کورونا کے 19مریض جاں بحق، تعداد 299 تک جا پہنچی

واضح رہے کہ وزیراعلیٰ سندھ مراد علی شاہ نے 24 گھنٹوں میں 19مریض کے جاں بحق ہونے اور 706کورونا کے نئے کیس رپورٹ ہونے کی تصدیق کی تھی، جس کے بعد صوبے میں اموات کی تعداد 299 جبکہ کیسز کی مجموعی تعداد 17947ہوگئی ہے۔

مراد علی شاہ کا کہنا تھا کہ سندھ میں 135مریضوں کی حالت تشویشناک ہے اور 34 مریض وینٹی لیٹرزپرہیں، اللہ پاک ان کوصحت عطا کرے جبکہ 34 گھنٹےمیں 3803 کورونا کے ٹیسٹ کیے گئے۔

کورونا کیسز کی صورتحال کے حوالے سے وزیراعلیٰ سندھ نے کہا سندھ میں 24گھنٹےکےدوران 706کورونا کے نئے کیس رپورٹ ہوئے، کورونا کے کیسز کی مجموعی تعداد 17947ہوگئی۔

ان کا کہنا تھا کہ اسوقت صوبےمیں12907مریض زیرعلاج ہیں، 11373 گھروں میں،819مراکزپراور715اسپتالوں میں زیرعلاج ہے ، سندھ میں آج 252مزید مریض صحتیاب ہوکر گھرچلے گئے، جس کے بعد صحتیاب ہونے والوں کی تعداد 4741 ہوگئی۔

Comments

یہ بھی پڑھیں