The news is by your side.

Advertisement

راولپنڈی اسٹیڈیم میں کرکٹ کے بڑوں کی بیٹھک

راولپنڈی: پاکستان اور راولپنڈی ٹیسٹ تاریخ رقم کرگیا، جہاں چوبیس سال بعد ٹیسٹ سیریز کا آغاز ہوا تو وہی (آئی سی سی)، آسٹریلین کرکٹ بورڈ اورپاکستان کرکٹ بورڈ(پی سی بی) کے حکام نے مشترکہ پریس کانفرنس کرتے ہوئے ایونٹ کو یادگار بنادیا۔

تفصیلات کے مطابق راولپنڈی اسٹیڈیم میں مشترکہ پریس کانفرنس کرتے ہوئے سی ای او پاکستان کرکٹ بورڈ فیصل حسنین نے کہا کہ پاکستانی عوام کی جانب سے تمام مہمانوں کو خوش آمدید کہتے ہیں، پاکستان کرکٹ ٹیم کی تاریخ کا آج اہم دن ہے۔

فیصل حسنین نے کہا کہ ہم آسٹریلیا ٹیم کےدورہ پاکستان پر شکر گزار ہیں، حالیہ سیریز سے دنیا کو مثبت اور مضبوط پیغام جائےگا آج ثابت ہوگیا کہ پاکستان،آسٹریلیا کرکٹ سیریز کرکٹ سے بڑھ کرہے۔

مشترکہ پریس کانفرنس میں آئی سی سی کے چیف ایگزیکٹو جیف لارڈائس کا کہنا تھا کہ پاکستان اور آسٹریلیا کے درمیان تاریخی ٹیسٹ سیریز ہورہی ہے، پاکستان نےملکوں کی میزبانی کرکےاعتمادبڑھایاہے۔

انہوں نے کہا کہ آسٹریلیا کا دورہ پاکستان ورلڈ ٹیسٹ چیمپئن شپ کے لیے بھی اہم ہے، کرکٹ سیریز سے پاکستان اور آسٹریلیا کے درمیان دوستی کو بھی فروغ ملےگا۔

یہ بھی پڑھیں: راولپنڈی ٹیسٹ: پاکستان نے ٹاس جیت لیا

کرکٹ آسٹریلیا کے چیف ایگزیکٹو نک ہاکلی نے کہا کہ پاکستان میں آج تاریخی دن ہے، آسٹریلیا کی ٹیم کے شاندار استقبال پرپی سی بی اور پاکستانی کرکٹ مداحوں کا شکریہ ادا کرتا ہوں، دونوں ٹیموں کے درمیان دلچسپ مقابلہ دیکھنےکوملےگا۔

مشترکہ پریس کانفرنس میں آسٹریلوی پلیئرز ایسوسی ایشن کے چیف گرین برگ نے دعویٰ کیا کہ شین واٹسن کی دورے کےلیےکھلاڑیوں کوتیار کرنےمیں مدد تھی، واٹسن نےمعلومات دیں کہ انہوں نےپاکستان کومحفوظ پایاہے۔

پریس کانفرنس میں شریک ایلرڈائس نے کہاکہ آسٹریلیا کا دورۂ پاکستان ورلڈ ٹیسٹ چیمپئن شپ کے لیے بھی اہم ہے۔

Comments

یہ بھی پڑھیں