The news is by your side.

Advertisement

20 ہزار طبی حفاظتی ڈریس ڈاکٹرز اور طبی عملے کو فراہم کیے جائیں گے، سلمان اقبال

 کراچی: اے آر وائی ڈیجیٹل نیٹ ورک کے صدر اور سی ای او سلمان اقبال نے کہا ہے کہ کورونا وائرس سے لڑنے والے ڈاکٹرز اور طبی عملے کی حفاظت کےلئے 20 ہزار طبی حفاظتی ڈریسز کا آ رڈر دے دیا ہے جو جلد ہی طبی عملے کو فراہم کر دیے جائینگے۔

تفصیلات کے مطابق سلمان اقبال نےاے آر وائی نیوز کے پروگرام ’ الیونتھ آور‘ میں گفتگو کرتے ہوئے کہا کہ انہوں نے 20 ہزار طبی سوٹ آرڈر کیے ہیں جو کہ میڈ ان پاکستان ہیں اور حکومت کے تصدیق شدہ ہیں،اور جلد ہی اس جنگ کے ہر اول دستے یعنی ڈاکٹرز اور دیگر طبی عملے کو فراہم کردئیے جائیں گے۔

انہوں نے مزید کہا کہ کورونا وائرس متاثرین کے لیے اے آ ر وائی کی خصوصی ٹرانسمیشن میں وزیراعظم عمران خان بھی شرکت کریں گے اور یہ فنڈز ایک مربوط طریقہ سے اس مشن کے لئے استعمال ہوں گے۔

مزید پڑھیں: اے آر وائی ڈیجیٹل نیٹ ورک 20ہزار کورونا ٹیسٹنگ کٹس عطیہ کرے گا، سی ای او سلمان اقبال

واضح رہے کہ گزشتہ روز سلمان اقبال نے 20 ہزار کرونا ٹیسٹنگ کٹس عطیہ کرنے کا اعلان کیا تھا۔

انہوں نے کورونا کے خلاف فرنٹ لائن ہیروز کو سلام پیش کرتے ہوئے کہا تھا کہ ڈاکٹرز اور پیرا میڈیکل اسٹاف ہمارے فرنٹ لائن ہیروزہیں، سب سےپہلےکوشش ہےڈاکٹرز کو تمام طبی سہولتیں فراہم کی جائیں۔

سلمان اقبال کا کہنا تھاکہ کوشش ہے لوگوں کیلئےموبائل ٹیسٹنگ کٹس منگوائیں، موبائل ٹیسٹنگ کٹس سےلوگوں کوگاڑی سےاترنانہیں پڑےگا اور لوگوں کے نمبر لےکر انہیں 15سے20منٹ میں رپورٹ بھیج دی جائے۔

fb-share-icon0
Tweet 20

Comments

comments

یہ بھی پڑھیں