The news is by your side.

Advertisement

پی آئی اے کو منافع بخش ہونے میں کچھ وقت ضرور لگے گا۔ سی ای او ائیر مارشل ارشد ملک

کراچی : پی آئی اے کے سی ای او ائیر مارشل ارشد ملک نے کہا ہے کہ مالی حسابات میں تاخیر گزشتہ ادوار کی انتظامی کوتاہی رہی ہے، ادارے کو منافع بخش ہونے میں کچھ وقت ضرور لگے گا۔

ان خیالات کا اظہار انہوں نے پی آئی اے کے شیئرز ہولڈرکے دوسرے سالانہ اجلاس سے خطاب کرتے ہوئے کیا، سالانہ اجلاس کی صدارت کرتے ہوئے ارشد ملک کاکہنا تھا کہ سال 2017 کے اختتام پر پی آئی اے کی مجموعی آمدنی تقریباً 91 ارب جبکہ خسارہ ساڑھے 46 ارب روپے رہا۔

اجلاس میں سال 2017 کے مالی حسابات اور سال 2018 کے مالی حسابات کے لئے بیرونی آڈیٹرز کے تقرر کی منظوری دی گئی۔

اجلاس میں بتایا گیا کہ 2017 میں ایندھن کی قیمتوں میں 14 فیصد اور مالی اخراجات میں 16 فیصد اضافہ رہا۔ایئرمارشل ارشد ملک کا کہنا تھا کہ قومی ائیر لائن کے حالات اب بہتری کی جانب گامزن ہیں تاہم اس کو منافع بخش ہونے میں کچھ وقت ضرور لگے گا۔

فضائی بیڑے میں طیاروں کی صورت حال کافی بہتر جا رہی ہے، ائیر مارشل ارشد ملک نے مزید کہا کہ حصص یافتگان کی شکایات کا ازالہ کیا جائے گا اور ان کی تجاویز پر سنجیدگی سے غور کیا جائے گا۔

ان کا کہنا تھا کہ ہمارا رواں حج آپریشن کامیابی سے جاری ہے۔ اس موقع پر حصص یافتگان نے اجلاس کے ایجنڈے اور سفارشات کی منظوری دی۔ اجلاس میں سی ایف او خلیل اللہ شیخ اور سکریٹری بورڈ آف ڈرایکٹرز محمد شعیب بھی موجود تھے۔

Comments

comments

یہ بھی پڑھیں