کراچی : پی آئی اے نے مسلسل آٹھویں مرتبہ ایاٹا سیفٹی آڈٹ کامیابی سے مکمل کرلیا ہے، پی آئی اے پاکستان کی واحد ایئر لائن ہے جس کے پاس ایاٹا سیفٹی سرٹیفیکیٹ موجود ہے۔
تفصیلات کے مطابق پی آئی اے نے مسلسل آٹھویں بار ایاٹا سیفٹی آڈٹ سرٹیفکیٹ حاصل کرلیا۔ پی آئی اے وزیراعظم عمران خان کے وژن کے تحت ہوا بازی کی صنعت میں اہم کردار ادا کررہا ہے۔
پی آئی اے پاکستان کی واحد ایئر لائن ہے جس کے پاس ایاٹا سیفٹی سرٹیفیکیٹ موجود ہے۔ اس حوالے سے سی ای او پی آئی اے ائیر مارشل ارشد ملک کا کہنا ہے کہ پی آئی اے حفاظتی امور کو مقدم رکھتی ہے۔
پی آئی اے کا ایاٹا سرٹیفیکیٹ سرٹیفیکیٹ کا حصول حفاظتی امور کی ترجیح کی ایک مثال ہے۔ ایئر مارشل ارشد ملک نے کہا ہے کہ پی آئی اے کو منافع بخش بنانے کے لئے پروازوں میں اضافہ اور مسافروں کو فراہم کی جانے والی خدمات میں مزید بہتری کا عمل جاری ہے۔
انہوں نے کہا کہ پی آئی اے کارکنان کی ادارے کی بہتری کے لئے کی جانے والی محنت اور کوششیں مثالی ہیں، قومی ایئر لائن کی اڑان ترقی کی جانب گامزن ہے، بہترین پالیسی کے ثمرات آنا شروع ہوگئے۔
پی آئی اے کے سی ای او ارشد ملک کا مزید کہنا ہے کہ پی آئی اے حفاظتی امور کو مقدم رکھتی ہے۔ ادارے کو منافع بخش بنانے کے لئے پروازوں میں اضافہ اور سہولیات میں مزید بہتری کا عمل جاری ہے، پی آئی اے کا ایاٹا سرٹیفیکیٹ کا حصول حفاظتی امور کی ترجیح کی ایک مثال ہے۔
