The news is by your side.

Advertisement

پی آئی اے اور کورنگی ایسوسی ایشن آف ٹریڈ اینڈ انڈسٹری کے درمیان مفاہمتی یاداشت پر دستخط

کراچی : پی آئی اے اور کورنگی ایسوسی ایشن آف ٹریڈ اینڈ انڈسٹری (کاٹی) کے درمیان مفاہمت کی یاداشت پر دستخط ہوگئے، سی ای او پی آئی اے ایئرمارشل ارشد ملک اور کاٹی کے صدر دانش خان نے دستخط کئے۔

ائیر مارشل ارشد ملک نے کورنگی ایسوسی ایشن آف ٹریڈ انڈسٹری کے عہدیداروں سے ملاقات کی، یونائیٹڈ گروپ کے سرپرست اعلی ایس ایم منیر نے تقریب میں خصوصی شرکت کی۔

کاٹی کے صدر دانش خان کی جانب سے خطبہ استقبالیہ میں پی آئی اے کی حالیہ کارکردگی کو سراہا گیا۔ دانش خان کا کہنا تھا کہ پی آئی اے کے ساتھ بھر پور تعاون کیا جائے گا۔

انہوں نے کہا کہ کاٹی سے منسلک تمام صنعت کاروں کی پہلی ترجیح پی آئی اے ہے۔ ایس ایم منیر نے کہا کہ ہم پی آئی اے کے ساتھ ہر ممکن تعاون کے لئے تیار ہیں۔

تقریب سے خطاب کرتے ہوئے ایئر مارشل ارشد ملک نے کہا کہ ہمیں کاروباری افراد کی مدد کی ضرورت ہے تا کہ ہم اپنے کارگو بزنس میں مزید اضافہ کر سکیں، اگلے چھ ماہ میں تمام بوئنگ777 طیاروں میں انٹرٹینمنٹ سسٹم فعال ہو جائے گا۔

ایئر مارشل ارشد ملک نے مزید کہا کہ اگلے ماہ کے اندر دو مزید طیارے پی آئی اے کے فضائی بیڑے میں شامل ہو جائیں گے، کاروباری برادری کے ساتھ قریبی رابطے سے پی آئی اے کے بزنس کو فروغ حاصل ہوگا۔

Comments

comments

یہ بھی پڑھیں