The news is by your side.

Advertisement

سی پیک سے کاریک ممالک کوبھی فائدہ ہوگا،نوازشریف

اسلام آباد: وزیراعظم نوازشریف کا کہنا ہے کہ سی پیک سے وسط ایشیائی علاقائی تنظیم کارک ممالک کوبھی فائدہ ہوگا۔

تفصیلات کےمطابق دارالحکومت اسلام آباد میں وسط ایشیائی علاقائی تنظیم کارک کے اجلاس سے خطاب کرتے ہوئے وزیراعظم نوازشریف کا کہناہے کہ کاریک ملکوں کی شراکت ترقی کے خواب کو حقیقت میں بدلے گی۔

نوازشریف نے کہاکہ کاریک کا مقصد رکن ملکوں میں پائیدار ترقی کے اہداف حاصل کرنا ہےجس کےلیے علاقائی روابط میں مضبوطی اور مواصلاتی نظام میں ترقی ضروری ہے۔

انہوں نے کہاکہ کاریک رکن ممالک میں تعاون بڑھانے کےلیے اہم فورم ہے جو رکن ممالک میں تعاون اورغربت کے خاتمے میں مددگار ثابت ہوگا۔

کارک اجلاس کی تقریب سے خطاب کے دوران وزیراعظم نوازشریف نے کہا کہ سی پیک سے ناصرف پاکستان بلکہ کارک ممالک کو بھی فائدہ پہنچے گا۔

اس موقع پر انہوں نے توانائی بحران کے حوالے سے کہا کہ پاکستان تیزی سے توانائی کے منصوبوں پر کام کررہاہے اور بہت جلد ملک سےتوانائی بحران کاخاتمہ کردیں گے۔

خیال رہے کہ کارک ممالک میں پاکستان،چین سمیت افغانستان ،آزربائیجان ، قازقستان ،کرغزستان،منگولیا ،تاجکستان ،ترکمانستان ازبکستان بھی شامل ہیں۔

مزید پڑھیں:لوڈشیڈنگ کا 2018 میں خاتمہ ہوجائے گا،وزیراعظم

واضح رہےکہ اس سے قبل رواں ماہ کےآغاز میں وزیراعظم نوازشریف کا کہناتھاکہ 2018 میں لوڈ شیڈنگ کا خاتمہ ہوجائےگا۔

Comments

comments

یہ بھی پڑھیں