The news is by your side.

Advertisement

چوہدری اسلم پرحملہ کرنیوالا ملزم ساتھیوں سمیت گرفتار

کراچی : ڈی آئی جی سی آئی اے ڈاکٹر جمیل نے کہا ہے کہ اسپیشل انویسٹی گیشن یونٹ (ایس آئی یو) نے مختلف کارروائیوں میں چار خطرناک دہشت گردوں کو گرفتارکیا ہے، ملزمان بینک سے پیسے نکلوا کرنکلنے والوں کو لوٹتے تھے، ملزمان کا تعلق کالعدم تحریک طالبان زکریہ گروپ سے ہے۔

تفصیلات کے مطابق کراچی میں اسٹریٹ کرائم کی روک تھام کیلئے کارروائیاں جاری ہیں اس حوالے سے ایس آئی یو کی ٹیم نے مختلف کارروائیوں میں طالبان کے ذکریہ محسود گروپ کے چار دہشت گردوں کو حراست میں لے لیا ہے۔

ڈی آئی جی سی آئی اے ڈاکٹر جمیل نے صحافیوں سے گفتگو کرتے ہوئے بتایا کہ گرفتار ہونے والے ملزمان بینک سے پیسے لے کر نکلنے والوں کو لوٹتے تھے، مذکورہ ملزمان پولیس مقابلوں اورسنگین جرائم میں ملوث ہیں۔

ڈاکٹرجمیل نے بتایا کہ ملزمان کاتعلق کالعدم تحریک طالبان زکریہ گروپ سے ہے، شہید ڈی ایس پی چوہدری اسلم پر حملہ کرنیوالے ملزم کا چھوٹا بھائی بھی گرفتار ہے، ملزم شریف حملہ آور نعیم اللہ کا چھوٹا بھائی ہے، گرفتار شدگان صالح محمد، رحیم اور ذاکر دہشت گردوں کے ساتھی ہیں۔

انہوں نے کہا کہ شریف الدین چوہدری اسلم پرحملے کے بعد بیرون ملک فرار ہوگیا تھا، ملزمان نے بنارس،اورنگی میں تین افراد کوقتل کیا، ملزمان کاگروپ 2010 سے تخریب کاری کی کاررروائیاں کررہا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں