ہم ماریں کھاتے تھے اور حمزہ شہباز کی مشرف سے ملاقاتیں ہوتی تھیں، چوہدری عبدالغفور
The news is by your side.

Advertisement

ہم ماریں کھاتے تھے اور حمزہ شہباز کی مشرف سے ملاقاتیں ہوتی تھیں، چوہدری عبدالغفور

لاہور : مسلم لیگ ن کے ناراض رہنما چوہدری عبدالغفور نے کہا ہے کہ ہم یہاں ماریں کھارہے ہوتے تھے، شہباز شریف کا بیٹا مشرف سے ملتا تھا اور یہ بیرون ملک آرام سے رہ رہے تھے، میاں صاحب سے پہلے اسحاق ڈار کا حساب کرلیا جائے۔

ان خیالات کا اظہار انہوں نے اے آر وائی نیوز کے پروگرام آف دی ریکارڈ میں میزبان کاشف عباسی سے خصوصی گفتگو کرتے ہوئے کیا، چوہدری عبدالغفور نے بتایا کہ پرویز مشرف  کےدور میں ہم نے صعوبتیں برداشت کیں، ہم نے قربانیاں دیں اور ملک سے باہر رہنے کے باوجود ان کے کاروبار چلتے رہے۔

پس پردہ شہباز شریف کے صاحبزادے حمزہ شہباز پرویز مشرف سے ملاقاتیں کیا کرتے تھے، یہ بات آپ کو مشرف بتا سکتے ہیں کہ حمزہ شہباز ان سے کتنی بار ملے، میری غلطی ہے کہ میں نے12اکتوبر کو ہی ن لیگ کیوں نہیں چھوڑی۔

چوہدری عبدالغفور نے بتایا کہ لاہور کے کھوکھر برادران لینڈ مافیا ہیں، ن لیگ نے کھوکھر برادران کو لاہور سے دو ٹکٹیں جاری کردیں ہیں، ٹکٹ حاصل کرنا میرے لئے مسئلہ نہیں تھا، اس کے علاوہ احد چیمہ نے بہت مال بنایا ہے۔

انہوں نے کہا کہ مجھے بتائیں شریف خاندان کا کون سا شخص کرپشن میں ملوث نہیں؟ بیورو کریٹس کے انکشافات سامنے آئیں گے، مجھ سے کوئی پوچھے گا کہ تمہارے پاس اتنی دولت کہاں سےآئی تو میرے پاس یہ ہی جواب ہوگا کہ میں نے اس اس ذرائع سے دولت کمائی۔

ایک سوال کے جواب میں عبدالغفورمیو کا کہنا تھا کہ اسحاق ڈارکو کچھ نہیں ہوا انہیں صرف کرپشن کی بیماری ہے، اسحاق ڈار ن لیگ کو تباہ کرکے لندن بھاگ گئے ہیں، میاں صاحب سے پہلے اسحاق ڈار کا حساب کرلیا جائے۔

اس موقع پر پروگرام میں موجود پی ٹی آئی رہنما عارف علوی کا کہنا تھا کہ نوازشریف کرپشن کا بادشاہ ہے، ان ہی کے دور حکومت میں ملک کا پیسہ چوری کرکے باہر منتقل کیا گیا اس پر بھی نوازشریف ایک سال سے کہہ رہے ہیں مجھ پر ظلم ہوا۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں