پاک امریکا کے تعلقات میں بہتری آئے گی، وزیرداخلہ چوہدری نثار -
The news is by your side.

Advertisement

پاک امریکا کے تعلقات میں بہتری آئے گی، وزیرداخلہ چوہدری نثار

نیویارک : وفا قی وزیرداخلہ چوہدری نثارعلی خان نے کہا ہے کہ پاکستان اورامریکا کے تعلقات بہتری کی طرف جائیں گے۔ کراچی میں رینجرزاورپولیس آپریشن میں مصروف ہے۔

ان خیالات کا اظہارانہوں نے نیویارک میں اقوام متحدہ میں پاکستان کی مستقل مندوب ملیحہ لودھی کے ساتھ پریس کانفرنس کرتے ہوئے کیا۔

وزیرداخلہ چوہدری نثار کا کہنا تھا کہ پاکستان اورامریکا کے تعلقات میں بہتری آئے گی۔ ایک سوال کے جواب میں انہوں نے کہا کہ پاکستان تحریک انصاف کو اسلام آباد میں جلسہ کرنے سے کوئی نہیں روکے گا۔

ایف نائن پارک میں جلسہ ہوگا، دھرنا نہیں۔ پانامہ لیکس کے حوالے انہوں نے کہا کہ پاناما لیکس میں الزامات صرف پاکستانی وزیر اعظم کے خاندان پر نہیں لگے ، کئی ممالک کے سربراہان کے نام آئے ہیں۔

ان کا کہنا تھا کہ شفاف تحقیقات کی راہ میں اپوزیشن رکاوٹ بن رہی ہے۔ اپوزیشن میں اتفاق رائے نہ ہونے کی وجہ سے کمیشن کے قیام میں تاخیر ہو رہی ہے۔

انہوں نے کہا کہ کراچی آپریشن پاک فوج نہیں پولیس اوررینجرزمشترکہ طور پر کررہی ہیں اگر متحدہ قومی موومنٹ کو آپریشن سے متعلق کسی بھی قسم کے کوئی تحفظات ہیں تو آگاہ کرے۔

ایک سوال کے جواب میں وزیرداخلہ چوہدری نثارعلی خان نے کہا کہ منشیات اسمگلنگ کی روک تھام کیلئے مزید اقدامات کی ضرورت ہے۔

 

Comments

comments

یہ بھی پڑھیں