The news is by your side.

Advertisement

بیرون ملک مطلوب ملزمان کو انٹرپول کے ذریعے پاکستان لایاجائے، چوہدری نثار

اسلام آباد : وزیر داخلہ چوہدری نثارنے پاکستان کو مطلوب ملزمان کی گرفتاری کیلئے انٹرپول سے رابطے تیز کرنے کی ہدایت کرتے ہوئے تمام اشتہاریوں اور مطلوب ملزمان کے ناموں پر مشتمل بلیک لسٹ کرنے کا حکم جاری کردیا ہے۔

تفصیلات کے مطابق اسلام آباد میں وزیر داخلہ چوہدری نثارعلی خان کی زیرصدارت اعلیٰ سطحی اجلاس ہوا ۔ اجلاس میں ایف آئی اے ،پولیس ،نادرا اوروزارت داخلہ کے اعلی حکام نے شرکت کی۔

اس موقع پر وزیر داخلہ کو بریفنگ دی گئی کہ پولیس اور ایف آ ئی نے رواں سال 1800اشتہاریوں کو گرفتار کیا ہے، اجلاس میں فیصلہ کیا گیا کہ پاکستان کومطلوب ملزمان کی گرفتاری کیلئے انٹرپول سے رابطے تیز کیے جائیں اوربیرون ملک مقیم مطلوب ملزمان کو انٹرپول کے ذریعے پاکستان لایاجائے۔

انہوں نے کہا کہ اس حوالےسےکسی قسم کی کوئی کوتاہی نہ کی جائے، اجلاس میں اشتہاری ملزمان کے بینک اکاؤنٹس،شناختی کارڈ،ڈرائیونگ لائسنس بھی بلاک کرنے کا فیصلہ کیا گیا۔

اجلاس میں اسکاٹ لینڈیارڈ سے دورکنی ٹیم کی پاکستان آمد کے حوالے سے خبروں کی بھی بے بنیاد قراردیا گیا۔

 

Comments

comments

یہ بھی پڑھیں