اسلام آباد: وزیرداخلہ نے وفاقی دارالحکومت میں ہاؤسنگ سوسائٹیزکے قیام کی غرض سے سرکاری قوانین کے تحت لینڈ ایکو زیشن پر پابندی لگا دی۔
وزیر داخلہ کی جانب سے جاری ایک بیان میں بتایا گیا کہ ایک مخصوص طبقے کے فائد ے کیلئے سرکاری قوانین کا غلط استعمال کرنے اور غریبوں کی زمین سستے داموں ہتھیانے کی اجازت نہیں دی جا سکتی۔
وزیرِداخلہ نے چیف کمشنر اسلام آباد کو ہدایت کرتے ہوئے کہا کہ اسلا م آباد انتظامیہ کسی ایسے عمل کا حصہ نہ بنےانہوں نے بارہ کہو میں ہاؤسنگ فاؤنڈیشن کے لئے سیکشن فور کے تحت حاصل کی گئی زمین کینسل کرنے اور سپیشل سیکریٹری داخلہ کو انکوائری کرنے کا حکم دے دیا۔
وزیر داخلہ کا کہنا تحا کہ فیڈرل گورنمنٹ کے غریب ملازمین کو اسلام آباد میں زمین فراہم کرنے کی ہر سکیم کی حمایت کروں گا بشرطیکہ اسلام آباد کے دیہی مکینوں سے مارکیٹ ریٹ پر زمین خریدی جائے ، قبضہ گروپ سرکاری ہو ں یا پرائیویٹ انکو میرے دورِوزارتِ میں اسلام آباد میں کسی سے زمین ہتھیانے کی اجازت ہرگز نہیں دی جائے گی۔
