The news is by your side.

Advertisement

چوہدری نثاراپنے سامنے وزیراعظم کو بھی کچھ نہیں سمجھتے، مولابخش چانڈیو

حیدرآباد : سندھ کے مشیراطلاعات مولابخش چانڈیو پھر چوہدری نثارپر برس پڑے۔ انہوں نے کہا کہ چوہدری نثارلوگوں کی بے عزتی کرتےہیں،اپنے سامنے وزیراعظم کو بھی کچھ نہیں سمجھتے۔

تفصیلات کے مطابق مولابخش چانڈیو نے چوہدری نثار کے خلاف پھرمحاذ گرم کردیا۔ حیدرآباد میں تاجروں کی تقریب میں وہ وفاقی وزیرداخلہ پرہی برستے رہے۔

مولابخش چانڈیو کا کہنا تھا کہ چوہدری نثار وائسرائے جیسے لگتے ہیں، عام حالات میں بھی لوگوں کی بے عزتی کردیتےہیں۔

مولابخش چانڈیو کاکہنا تھا کہ چوہدری نثاراپنے آگے وزیراعظم کو بھی کچھ نہیں سمجھتے،وزیراعظم نےسینٹ میں آنے پراصرارکیا توانہوں نے کہا کوئی اوروزیررکھ لو۔وزیراعظم سے ناراض ہوئےتوگھرجاکربیٹھ گئے۔

مشیراطلاعات کاکہنا تھا کہ چوہدری نثارنے رینجرز کےمعاملےکو زندگی اورموت کا معاملہ بنادیا تھا۔ اب کراچی آنے سے گریز کررہے ہیں۔

مولا بخش چانڈیو نے کہا کہ شاید وزیرداخلہ نوٹی فکیشن کی میعاد ختم کرنے کاانتظارکررہے ہیں تاکہ پھرسندھ کے ساتھ الجھنےکابہانہ بنائیں۔

Comments

comments

یہ بھی پڑھیں