تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

مشرف کو گارڈ آف آنردینے والے ڈرامہ بازی کررہے ہیں، چوہدری نثار

اسلام آباد : وفاقی وزیر داخلہ چوہدری نثار نے سابق صدر پرویز مشرف کے باہر جانے پر احتجاج کو پیپلز پارٹی کی منافقت اور دہرا معیار قراردیا ہے.

یہ بات انہوں نے اپنے ایک بیان میں کہی، تفصیلات کے مطابق سابق صدر پرویز مشرف کو بیرون ملک جانے کی اجازت دینے پر پیپلز پارٹی کے رہنماؤں کے احتجاج پر وفاقی وزیر داخلہ چوہدری نثاربھی جلال میں آگئے۔

انہوں نے کہا کہ یہ منافقت اور دہرے معیار کی انتہا ہے۔ پرویز مشرف کو گارڈآف آنر دیکررخصت کرنے والے سیاسی ڈرامہ بازی کررہے ہیں۔

چوہدری نثار کا کہنا تھا کہ پرویز مشرف کے بیرون ملک جانے کی سب سے زیادہ مخالفت وہ جماعت کر رہی ہے جس نے اپنے پانچ سالہ دور حکومت میں پرویز مشرف کے ساتھ این آر او کی دوستی نبھائی۔

انہوں نے کہا کہ جنرل مشرف پی پی کے دور حکومت میں چار بار بیرون ملک گئے کیا اس وقت ان کا جمہوری پن سویا ہوا تھا۔؟حد تو یہ ہے کہ دوہزار گیارہ میں ایف آئی آر میں نام آنے کے باوجود پی پی حکومت نے مشرف کا نام نہ تو ای سی ایل میں ڈالا اور نہ ہی قانونی کارروائی کی۔

وزیر داخلہ کا کہنا تھا کہ پرویز مشرف کو گارڈ آف آنر دیکر رخصت کرنے والے اور ان کے لئے سیاسی جماعتوں سے عام معافی کی استدعا کرنے والے سیاسی ڈرامہ بازی کررہے ہیں۔

انہوں نے کہا کہ اگر کسی کو سپر یم کورٹ کا فیصلہ نظر نہیں آتا تو اس کے لئے صرف دعا ہی کی جا سکتی ہے۔

 

Comments

- Advertisement -