The news is by your side.

Advertisement

شبہاز شریف کو بچپنے کا احساس نہیں، چوہدری نثار کا رد عمل

لاہور: مسلم لیگ ن کے ناراض رہنما چوہدری نثار علی خان نے کہا ہے کہ حیرت ہے شہباز شریف کو بچپنے اور سنجیدہ عمل میں فرق کا احساس نہیں۔

ان خیالات کا اظہار انھوں نے میڈیا سے گفتگو کرتے ہوئے کیا، وہ شہباز شریف کے بیان پر رد عمل ظاہر کرتے ہوئے کہہ رہے تھے کہ  بچپنا وہ عمل ہے جو اُن کی پارٹی قیادت اس وقت روا رکھے ہوئے ہے۔

چوہدری نثار نے کہا کہ پارٹی میں جو غیر سنجیدگی پھیلی ہے، شہباز شریف بہ طور پارٹی صدر بھی اس کے مداوے کے لیے کچھ نہیں کر پا رہے ہیں۔

سابق وفاقی وزیر داخلہ چوہدری نثار نے شہباز شریف کو مشورہ دیتے ہوئے کہا کہ وہ 30 سال پرانی باتوں کا تذکرہ نہ کریں، بلکہ موجودہ قیادت کے کار کردگی پر نگاہ رکھیں۔

چوہدری نثار نے مشورہ دیتے ہوئے کہا کہ پرانی باتیں یاد کرنے کی بجائے گھمبیر اور مشکل صورت حال سے نکلنے پر توانائیاں صرف کریں۔

عمران خان یوٹرن کےماسٹر ہیں‘ سیاست ان کےبس کی بات نہیں‘ شہبازشریف


واضح رہے کہ گزشتہ روز شہباز شریف نے میڈیا سے گفتگو کرتے ہوئے کہا تھا کہ یہ خیال غلط ہے کہ چوہدری نثار نواز شریف سے زیادہ مجھ سے قریب تھے، بلکہ معاملہ اس کے برعکس تھا۔ ان کی دوستی اور بھائی چارہ میاں نواز شریف کے ساتھ تھا اور اس وقت وہ میرے مخالف تھے۔

شہباز شریف نے کہا تھا کہ یہ 1988 کی بات ہے، چوہدری نثار میرے خلاف نواز شریف سے شکایتیں کیا کرتے تھے، وہ بچکانہ مزاج کے ہیں، ان سے ایک بچے ہی کی طرح معاملہ کیا جاتا ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں