پنجاب میں کرپشن: پرویزالٰہی کا شہبازشریف کو مناظرے کا چیلنج -
The news is by your side.

Advertisement

پنجاب میں کرپشن: پرویزالٰہی کا شہبازشریف کو مناظرے کا چیلنج

لاہور : پاکستان مسلم لیگ ق کے مرکزی رہنما چودھری پرویزالٰہی نے کہا ہے کہ جےآئی ٹی کی تشکیل پررَس گُلے بانٹنے والےاب اس کو گالیاں دے رہے ہیں، پنجاب میں کرپشن پر شہباز شریف کو مناظرے کا چیلنج دیتا ہوں۔

ان خیالات کا اظہارانہوں نے لاہور میں صحافیوں سے گفتگو کرتے ہوئے کیا، چوہدری پرویز الہی نے کہا کہ پنجاب کے ہر ترقیاتی منصوبے میں شہباز شریف نے اربوں روپے کی کرپشن کی ہے۔

انہوں نے بتایا کہ پنجاب حکومت کے لیپ ٹاپ منصوبے میں دو ارب، دانش اسکول میں 4 ارب 82  کروڑ اور تینوں میٹرو بس منصوبوں میں تین ارب کی کرپشن سامنے آچکی ہے۔

رہنما ق لیگ نے کہا کہ شہباز شریف پر جے آئی ٹی بننی چاہئے اگر وزیراعلیٰ کیخلاف جے آئی ٹی بنی تو قوم پاناما اور اقامہ کو بھول جائے گی۔

ان کا کہنا تھا کہ جے آئی ٹی نے منی ٹریل کی مکمل تحقیقات کی ہیں اب ان کا بچنا مشکل ہے۔ جےآئی ٹی تشکیل پررَس گلے بانٹنےوالے اب سپریم کورٹ کی بنائی ہوئی ٹیم کو برابھلا کہہ رہے ہیں۔

ایک سوال کے جواب میں ق لیگ کے رہنما پرویز الہی نے دعویٰ کیا کہ شہبازشریف اور چوہدری نثار نوازشریف سے کسی صورت الگ نہیں ہوں گے، دنیا بھر میں پانامہ کے فراڈ میں ملوث لوگ مستعفی ہوگئے، پاکستان میں پاناما زدہ افراد ڈھٹائی کا مظاہرہ کررہے ہیں۔

Comments

comments

یہ بھی پڑھیں