The news is by your side.

Advertisement

آئندہ 5سال میں پنجاب میں صاف پانی فراہم کر دیا جائے گا، چوہدری محمد سرور

لاہور : گورنر پنجاب چوہدری محمد سرور نے کہا ہے کہ آئندہ 5سال میں پنجاب میں صاف پانی فراہم کر دیا جائے گا، معاشی ترقی کے ساتھ ساتھ تہذیبی ترقی بھی ضروری ہے۔

ان خیالات کا اظہار انہوں نے گورنر ہاؤس میں ایک کتاب کی تقریب رونمائی سے خطاب کرتے ہوئے کیا، چوہدری سرور نے کہا کہ پنجاب میں11 ملین افراد ہیپا ٹائٹس کے مرض میں مبتلا ہیں۔

ہیپاٹائٹس پھیلنے کی بڑی وجہ گندے پانی کا استعمال اور صحت کے اصولوں سے لاپرواہی برتنا ہے، آئندہ 5سال میں صوبے کے عوام کو میں صاف و شفاف پانی فراہم کر دیا جائے گا۔

گورنر پنجاب چوہدری محمد سرور کا مزید کہنا تھا کہ پاکستان کی22فیصد ایکسپورٹ گوجرانوالہ، گجرات اور سیالکوٹ سے ہورہی ہے، ملک کی معاشی ترقی کے ساتھ ساتھ تہذیبی ترقی بھی ضروری ہے۔

شاعر اور ادیب معاشروں اور نئی نسل کی تربیت کرتے ہیں، ان کی حوصلہ افزائی کی جانی چاہیے، پاکستان کی تخلیق کا خیال بھی ایک شاعر کا ہی تھا۔

Comments

comments

یہ بھی پڑھیں