لاہور: گو رنر پنجاب چو ہدری سرور نے کہا کہ ہم سے کسی نے نہیں کہا بلکہ ہم نے رضا کا رانہ طور پر خود کو عوام کے سامنے احتساب کے لیے پیش کیا، کرپشن کا ہر اسکینڈل سامنے لایا جائے۔
لاہور میں صحافیوں سے گفتگو کرتے ہوئے چوہدری سرور کا کہنا تھا کہ ’کرپشن کی کوئی بھی شکایت ہو تو عوام اُسے سامنے لائے، کچھ لوگوں نے دعوے تو کیے مگر قوم کے سامنے خود کو پیش نہیں کیا جبکہ ہم نے بغیر بولے ہی رضاکارانہ طور پر اپنی کارکردگی سامنے رکھ دی‘۔
گورنر پنجاب کا کہنا تھا کہ ’ہم نے ایک سیل تشکیل دیا جو بیرونِ ملک جائیدادوں پر کام کررہا ہے، بہت جلدعوام کےسامنےساری تفصیل لائیں گے، تعلیم اورصحت سمیت دیگرشعبوں پر توجہ دےرہےہیں، چھ ماہ کے بعد ہماری پالیسیوں کے ثمرات عوام تک پہنچناشروع ہوجائیں گے‘۔
اُن کا کہنا تھا کہ میں عوام سے اتنا ہی پیار ہے جتنا اپنی اولادسے کرتا ہوں، گورنرہاؤس کے دروازے ہروقت عوام کے لیے کھلے ہیں۔
چوہدری سرور کا کہنا تھا کہ پی ٹی آئی کی حکومت کےقیام کاکریڈٹ خواتین کارکنوں کوجاتاہے، تحریک انصاف کی حکومت کو آئے ابھی 100 روز ہوئے ہماری کارکردگی عوام کے سامنے ہے جبکہ 30 سال تک حکومت کرنے والے عوام کے سامنے خود کو کبھی پیش نہ کرسکے۔
اُن کا مزید کہنا تھا کہ ملک سے کرپشن کے خاتمے کا وعدہ کیا تھا جو تقریباً پورا ہوگیا۔ انہوں نے میڈیا سے گزارش کی کہ کرپشن کا ہر اسکینڈل سامنےلایاجائے۔
