تازہ ترین

چوہدری شجاعت حسین کی آصف زرداری سے طویل ملاقات

لاہور : ق لیگ کے سربراہ چوہدری شجاعت حسین نے پیپلزپارٹی کے شریک چیئرپرسن آصف علی زرداری سے ملاقات کی ہے۔

بلاول ہاؤس لاہور میں ہونے والی ملاقات تقریباً ایک گھنٹہ جاری رہی جس میں دونوں رہنماؤں کے درمیان ملک کی موجودہ سیاسی اور معاشی صورتحال پرتبادلہ خیال کیا گیا۔

اس موقع پر چوہدری شافع حسین اور وفاقی وزیر چوہدری سالک حسین بھی موجود تھے، ملاقات میں پنجاب کے عام انتخابات اور دیگر سیاسی صورتحال بھی زیر غور آئی۔

دونوں رہنماؤں نے اپنی گفتگو میں اس بات پر اتفاق کیا کہ ملکی معیشت کو اس وقت سنگین معاشی چیلنجز کا سامنا ہے اور ہم سب کو مل کر پاکستان کے معاشی حالات کو کنٹرول کرنا ہے۔

چوہدری شجاعت حسین اور آصف زرداری کا مزید کہنا تھا کہ پاکستان کی معیشت مضبوط ہوگی تو سیاست اور جمہوریت بھی پروان چڑھے گی۔

Comments

- Advertisement -