اسلام آباد: نئے تعینات شدہ چیئرمین ایف بی آر کا کا کہنا ہے کہ ٹیکس دہندگان کو ہراساں کرنے کا کلچر ختم کیا جائےگا، اختیارات کو نچلے افسران تک منتقل کریں گے۔
تفصیلات کے مطابق چیئرمین ایف بی آر شبر زیدی کا کہنا ہے کہ کسی بھی فرد، کمپنی یا ادارے کا اکاؤنٹ منجمد کرنے سے پہلے چیئرمین کے نوٹس میں لانا لازمی قراردیا جارہا ہے۔
ان کا کہنا تھا کہ چاہتے ہیں کہ ٹیکس دہندگان کو ہراساں کرنے کا کلچر ختم ہو، کسی بھی قسم کا بینک اکاؤنٹ منجمد کرنے سے کم از کم 24 گھنٹے قبل معاملہ ان کے نوٹس میں لایا جائے گا۔
چیئرمین ایف بی آر کا کہنا ریونیوشارٹ فال سےمتعلق ابھی کچھ نہیں کہہ سکتا، اور ٹارگٹ سےمتعلق ابھی کچھ بات نہیں کرسکتا۔ انہوں نے کہا کہ ایف بی آرمیں اختیارات نچلی سطح کےافسران کوبھی منتقل کریں گے۔
انہوں نے یہ بھی کہا کہ آئی ایم ایف کی بات چھوڑیں پہلےپاکستان کی بات کررہےہیں اورآئی ایم ایف سےمتعلق حفیظ شیخ سےپوچھیں۔
شبر زیدی نے یہ بھی بتایا کہ ہرفیصلےکی منظوری چیئرمین سےلیناضروری نہیں ہے اوربجٹ کےلیےابھی کوئی تاریخ فائنل نہیں ہوئی ہے۔یاد رہے کہ حکومت نے شبر زیدی کو اعزازی چیئرمین ایف بی آرتعینات کرنے کا فیصلہ کیا ہے ، شبرزیدی بطور چیئرمین تنخواہ نہیں لیں گے لیکن چیئرمین کےتمام اختیارات انہیں حاصل ہوں گے۔
