چیئرمین فیڈرل بورڈ آف ریونیو (ایف بی آر) عاصم احمد نے کہا ہے کہ بیرون ملک اثاثے رکھنے والے نئے لوگوں کی رجسٹریشن کر رہے ہیں۔
اے آر وائی نیوز کے مطابق سینیٹ کی قائمہ کمیٹی برائے خزانہ کا اجلاس چیئرمین کمیٹی سلیم مانڈوی والا کی زیر صدارت ہوا جس میں چیئرمین ایف بی آر عاصم احمد نے کیپیٹل ویلیو ٹیکس پر بریفنگ دی کمیٹی نے مقامی اور غیر ملکی اثاثوں پر کیپیٹل ویلیو ٹیکس کے نفاذ پر تحفظات کا اظہار کیا گیا۔
چیئرمین ایف بی آر نے اراکین کے تحفظات پر کہا کہ بیرون ملک اثاثے رکھنے والے نئے لوگوں کی رجسٹریشن کر رہے ہیں، پہلے سے رجسٹرڈ افراد کی بینک اور پراپرٹی کی معلومات دستیاب ہیں۔
ان کا کہنا تھا کہ مقصد زیادہ کمانے یا اثاثے رکھنے والوں کو ٹیکس نیٹ میں لانا ہے، اس حوالے سے ہائی کورٹس نےبھی ایف بی آر کے حق میں فیصلہ دیا جب کہ اس مالی سال کیپٹل ویلیو ٹیکس کی مد میں 9 ارب روپے وصول کیے گئے ہیں۔
