The news is by your side.

Advertisement

مشرق وسطیٰ میں امن تک حرمین شریفین کو خطرہ رہے گا: جنرل زبیر محمود حیات

اسلام آباد: چیئرمین جوائنٹ چیفس آف اسٹاف کمیٹی جنرل زبیر محمود حیات کا کہنا ہے کہ مشرق وسطیٰ میں امن تک حرمین شریفین کو خطرہ رہے گا، مسئلہ افغانستان کا کوئی فوجی حل نہیں ہے۔

تفصیلات کے مطابق چیئرمین جوائنٹ چیفس آف اسٹاف کمیٹی جنرل زبیر محمود حیات نے پاکستان سمٹ سے خطاب کرتے ہوئے کہا کہ مشرق وسطیٰ میں امن تک حرمین شریفین کو خطرہ رہے گا۔ دنیا میں جنگی ساز و سامان کا بڑے پیمانے پر لین دین جاری ہے۔

چیئرمین کا کہنا تھا کہ پاکستان کو بھی اپنے مفاد اور دفاع کے لیے اس شعبے میں توجہ دینی ہوگی، پاکستانی افواج کسی بھی جارحیت کا بھرپور جواب دینے کی صلاحیت رکھتی ہیں۔ کسی بھی مس ایڈونچر و مس کیلکولیشن کا جواب دینے کے لیے تیار ہیں۔

انہوں نے کہا کہ دنیا بھر میں مسلم ممالک کو مختلف مسائل اور بحراںوں کا سامنا ہے، دنیا میں اسلامو فوبیا بھی پروان چڑھ رہا ہے۔

جنرل زبیر کا کہنا تھا کہ کشمیریوں نے بھارتی تسلط کو مسترد کیا ہے اور ہزاروں جانوں کی قربانی دی ہے، کشمیری اپنے شہدا کو آج پاکستانی سبز ہلالی پرچم میں دفنا رہے ہیں۔

انہوں نے مزید کہا کہ مسئلہ افغانستان کا کوئی فوجی حل نہیں ہے، پاکستان چاہتا ہے کہ افغانستان میں امن بحال ہو جس کے لیے مذاکرات کی حمایت کرتا ہے، پاکستان میں ماضی میں غلطیاں ہوئی ہیں لیکن اب ہمیں سیکھنے کی ضرورت ہے۔

Comments

comments

یہ بھی پڑھیں