The news is by your side.

Advertisement

ٹرمپ کی مسئلہ کشمیر پر ثالثی کی پیشکش، چیئرمین کشمیر کونسل ای یو کا خیرمقدم

برسلز: چیئرمین کشمیر کونسل ای یو علی رضا سید نے امریکی صدر ڈونلڈ ٹرمپ کی جانب سے مسئلہ کشمیر کے حل کے لیے ثالثی کی پیش کش کا خیرمقدم کیا۔

تفصیلات کے مطابق امریکی صدر ڈونلڈ ٹرمپ نے وزیراعظم عمران خان سے خصوصی ملاقات کے دوران پیش کش کی کہ مسئلہ کشمیر کے حل کے لیے وہ ثالث بننے کو تیار ہیں۔

چیئرمین کشمیر کونسل یوری یونین علی رضاسید کا کہنا تھا کہ کشمیر پر ثالثی پر امریکی صدر کی پیشکش کا خیرمقدم کرتے ہیں، تنازعہ کشمیر ایک لمبے عرصے سے حل طلب ہے۔

انہوں نے کہا کہ عالمی طاقتوں کو مسئلہ کشمیر کے حل کیلئے کردار ادا کرنا ہوگا، مسئلہ کشمیر اقوام متحدہ کی قراردادوں کے مطابق حل کیا جائے۔

علی رضا سید نے عالمی برادری سے بھی مطالبہ کیا کہ وہ عالمی برادری کشمیریوں پر مظالم بند کروائے۔

عمران خان ٹرمپ ملاقات، امریکی صدر نے کشمیر پر ثالثی کی پیش کش کر دی

خیال رہے کہ امریکی صدر نے مسئلہ کشمیر پر پاکستان بھارت کے مابین ثالثی کی پیش کش کر دی ہے، صدر ٹرمپ نے کہا کہ عمران خان اور میں دونوں نئے لیڈرز ہیں، مسئلہ کشمیر پر دونوں لیڈرز بڑا کردار ادا کر سکتے ہیں، کشمیر اور افغانستان کا مسئلہ حل ہوگا تو پورے خطے میں خوش حالی ہوگی۔

Comments

comments

یہ بھی پڑھیں