The news is by your side.

Advertisement

چیئرمین نیب سے بلیک میلنگ کرنے والے ملزمان کے خلاف ریفرنس دائر، نوٹس جاری

اسلام آباد : چیئرمین نیب کیخلاف آڈیو ویڈیو ریلیز کرنے والے ملزمان کیخلاف ریفرنس دائر کردیا گیا ہے، نیب عدالت نے دونوں ملزمان کو سترہ مئی کی پیشی کے لیے نوٹس جاری کردیے۔

تفصیلات کے مطابق چیئرمین نیب جسٹس ریٹائرڈ جاوید اقبال سے بلیک میلنگ کرنے والے فاروق نول اور طیبہ گل کے خلاف ریفرنس دائر کردیا گیا۔

ایڈمن جج نے سترہ مئی کے لیے نوٹس جاری کیا۔ ملزمان اور تفتیشی افسر کو طلب کیا گیا ہے۔ اس موقع پر چھتیس گواہ نیب کو بیانات قلمبند کرائیں گے۔

ملزمان طیبہ گل اور فاروق نول کے خلاف نیب کو چھ شکایتیں موصول ہوئیں۔ ملزمان نیب اور دیگر اداروں میں کام کرانے کے نام پر لوگوں کو لوٹتے تھے۔

مزید پڑھیں: چیئرمین نیب کے خلاف چلنے والی خبر حقائق کے منافی ہے، ترجمان

سادہ لوح شہریوں سے دو کروڑ چوالیس لاکھ روپے کا فراڈ کیا۔ چیئرمین نیب کے خلاف جھوٹی اور بےبنیاد خبرنشر کرنے پر پیمرا نے نیوز ون کو نوٹس بھیج دیا، سات دن میں وضا حت نہ دی تو سخت کارروائی کی جائے گی۔

مزید پڑھیں: چیئرمین نیب پرالزام لگانے والی خاتون ایک ڈرائیورکی بیٹی ہے، سردار اعظم رشید

واضح رہے کہ لاہور کے سماجی رہنما سردار اعظم رشید نے پریس کانفرنس کے دوران چیئرمین نیب کیخلاف آڈیو ویڈیو ریلیز کرنے والے گینگ کی تفصیلات بتاتے ہوئے کہا ہے کہ چیئرمین نیب پرالزام لگانے والی خاتون ایک ڈرائیور کی بیٹی ہے اور اس گروہ کاپی ٹی ایم کے ساتھ بھی رابطہ ہے ۔

Comments

comments

یہ بھی پڑھیں