The news is by your side.

Advertisement

اختیارات کا ناجائزاستعمال ،چیئرمین نیب کی وزارت خارجہ کے افسران اوراہلکاروں کیخلاف ریفرنس دائر کرنے کی منظوری

اسلام آباد : چیئرمین نیب نے سابق وفاقی وزیر ہاؤسنگ اکرم خان درانی کیخلاف انویسٹی گیشن اور جکارتہ میں پاکستانی سفارتخانےکی عمارت فروخت کرنےکاالزام میں وزارت خارجہ کے افسران اوراہلکاروں کیخلاف ریفرنس دائر کرنےکی منظوری دے دی۔

تفصیلات کے مطابق چیئرمین نیب جسٹس ریٹائرڈ جاوید اقبال کی زیرصدارت نیب ایگزیکٹو بورڈ کا اجلاس ہوا، اجلاس میں وزارت خارجہ کے افسران ،اہلکاروں کیخلاف ریفرنس دائر کرنے کی منظوری دی گئی، ملزمان پر جکارتہ میں پاکستانی سفارتخانے کی عمارت فروخت کرنے ، اختیارات کے ناجائز استعمال  اور قومی خزانے کو نقصان پہنچانے کا الزام ہے۔

نیب ایگزیکٹوبورڈ اجلاس میں 3انویسٹی گیشنزکی منظوری دی گئی، جن میں سابق وفاقی وزیر ہاؤسنگ اکرم خان درانی کیخلاف انویسٹی گیشن ، جوائنٹ سیکریٹری بین الصوبائی رابطہ عارف ابراہیم کیخلاف انویسٹی گیشن اور وزارت ہاؤسنگ اینڈورکس کے افسران اہلکاروں کیخلاف 2 انویسٹی گیشنز شامل ہیں۔

نیب اجلاس میں سابق ایم این اے رخسانہ بنگش کے بیٹے عمر منظور کیخلاف انکوائری ، سابق سیکریٹری ورکس گلگت بلتستان اختررضوی ودیگر کیخلاف انکوائری کی منظوری دے دی گئی۔

اجلاس میں جاب ٹیسٹنگ سروس کی انتظامیہ کے خلاف تحقیقات اور وزارت مذہبی امور کے افسران اور فیڈرل بورڈ آف ریونیو کے خلاف شکایات کی جانچ پڑتال کی منظوری اور ایف بی آرافسران، اہلکاروں ودیگر کے خلاف انکوائری کا مزید جائزہ لینے کی منظوری بھی دی۔

Comments

یہ بھی پڑھیں