The news is by your side.

Advertisement

کرپشن کی لعنت کاخاتمہ میری اولین ترجیح ہے،چیئرمین نیب

اسلام آباد : چیئرمین نیب جسٹس (ر) جاوید اقبال کا کہنا ہے کہ کرپشن کی لعنت کاخاتمہ میری اولین ترجیح ہے، بدعنوانی کےخاتمے کیلئے تمام وسائل بروئے کار لائیں گے۔

تفصیلات کے مطابق چیئرمین نیب جسٹس (ر) جاوید اقبال کی زیرصدارت نیب ہیڈ کوارٹراسلام آباد میں اجلاس ہوا، اجلاس میں نیب کی مجموعی کارکردگی کا جائزہ لیا گیا۔

اجلاس میں بریفنگ میں بتایا گیا کہ بدعنوان عناصر سے 296ارب کی رقم قومی خزانے میں جمع کرائی، نیب کےقیام سےاب تک367742شکایات آئیں، 365374 شکایات قانون کے مطابق نمٹائی گئیں۔

چیئرمین نیب نے ہدایت دی کہ انکوائریوں اورجانچ پڑتال کوقانون کےمطابق وقت پرمکمل کریں اور بدعنوان عناصر کو قانون کےمطابق سزا دی جائے۔

بریفنگ میں بتایا گیا کہ نیب کے احتساب عدالتوں میں1200ریفرنسز زیرسماعت ہیں، جس پر جاویداقبال کا کہنا تھا کہ ریفرنسزکی جلد سماعت کیلئے عدالتوں میں درخواستیں دی جائیں۔

چیئرمین نیب نے کہا کہ کرپشن کی لعنت کا خاتمہ میری اولین ترجیح ہے، بدعنوانی کےخاتمے کیلئےتمام وسائل بروئےکارلائیں گے، نیب بلاتفریق احتساب پرعمل پیرا ہے۔


مزید پڑھیں : نیب کسی سے ذاتی اور سیاسی انتقام پر یقین نہیں رکھتا، چیئرمین نیب جاوید اقبال


یاد رہے گزشتہ اجلاس میں چیئرمین نیب جسٹس (ر) جاوید اقبال کا کہنا تھا کہ نیب کسی سے ذاتی اور سیاسی انتقام پر یقین نہیں رکھتا، احتساب سب کے
لیے کی پالیسی کے تحت کام کام اور صرف کام ہورہا ہے۔

جاوید اقبال کا کہنا تھا ہم کرپشن فری پاکستان کے لیے پُرعزم ہیں، ذمہ داریاں سنبھالتے ہوئے عزم کیا تھا کہ انصاف ہوتا ہوا نظر آئے گا، ہر پاکستانی بدعنوانی کے خاتمے کے لیے نیب کی طرف دیکھ رہا ہے۔

انھوں نے مزید کہا تھا بدعنوانی کا خاتمہ پوری قوم کی آواز ہے، وہ وقت دور نہیں جب پورے پاکستان کو بدعنوانی سے پاک کردیں گے، نیب افسران
شفافیت ، شواہد اور قانون کے مطابق کام کریں۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں