اسلام آباد : چیئرمین نیب جسٹس (ر) جاوید اقبال نے تمام ٹرانسفر اور پوسٹنگ پرفوری طورپرپابندیاں لگاتے ہوئے تمام نیب بیوروز کو سپریم کورٹ کے فیصلے پر عملدرآمد کرنے کی ہدایت کردی۔
تفصیلات کے مطابق چیئرمین نیب جسٹس (ر) جاوید اقبال نے نے تمام ٹرانسفر،پوسٹنگ پرفوری طورپرپابندیاں لگادیں، اس حوالے سے ترجمان نیب نے بتایا کہ
حال ہی میں ہونے والے تبادلوں پر بھی عملدرآمد روک دیا گیا ہے۔
ترجمان کا کہنا تھا کہ چیئرمین نیب نے تمام نیب بیوروز کو سپریم کورٹ کے فیصلے پر عملدرآمد کرنے کی ہدایت کردی۔
گذشتہ روز سپریم کورٹ نے ہائی پروفائل مقدمات میں تحقیقات برانچ کے تبادلوں پر تاحکم ثانی پابندی لگاتے ہوئے نیب اورایف آئی اے کومقدمہ عدالتی فورم سے واپس لینے سے روک دیا تھا۔
چیف جسٹس نے ریمارکس دیے کہ خاموش تماشائی بن کرمئی سے یہ چیزیں دیکھ اورنوٹ کررہے، مقدمات کے ملزم کوابھی مجرم قرارنہیں دیا گیا،سزائیں نہیں سنائیں، انصاف کے نظام سے کوئی بھی کھلواڑ نہ کرے، سوموٹوکارروائی کا مقصد نظام انصاف کوبچانا اور قانون کی حکمرانی قائم کرنا ہے۔
