The news is by your side.

Advertisement

نیب کا ہر کیس میگا کرپشن کے زمرے میں آتا ہے، چیئرمین نیب جاوید اقبال

لاہور: چیئرمین نیب جاوید اقبال نے کہا ہے کہ احتساب سب کے لیلے کی پالیسی پر عمل پیرا ہیں، نیب کا ہر کیس میگا کرپشن کے زمرے میں آتا ہے۔

تفصیلات کے مطابق چیئرمین نیب جاوید اقبال نے کہا ہے کہ نیب تمام صوبوں میں بلاامتیاز کارروائی کررہا ہے، میگا کرپشن کے مقدمات کو منطقی انجام تک پہنچانا اولین ترجیح ہے، بدعنوانی کا خاتمہ قومی فریضہ ہے، انتقامی کارروائی پر یقین نہیں رکھتے ہیں۔

انہوں نے کہا کہ نیب لاہور میں 181 انکوائریاں، 43 انویسٹی گیشنز جاری ہیں، 347 بدعنوانی کے ریفرنس عدالتوں میں زیر سماعت ہیں۔

میگا کرپشن کے 179 میں سے 105 کیسز پر ریفرنس دائر ہوچکے ہیں

چیئرمین نیب جاوید اقبال

چیئرمین نیب کے مطابق نیب کراچی میں 295 انکوائریاں، 136 انویسٹی گیشنز جاری ہیں جبکہ کراچی کی عدالتوں میں 267 مقدمات زیر سماعت ہیں۔

جاوید اقبال نے کہا کہ نیب خیبرپختونخوا میں 148 انکوائریاں، 26 انویسٹی گیشنز جاری ہیں، خیبرپختونخوا عدالتوں میں 188 بدعنوانی کے ریفرنس زیر سماعت ہیں۔

اسی طرح نیب بلوچستان میں 89 انکوائریاں، 27 انویسٹی گیشنز جاری ہیں، بلوچستان کی عدالتوں میں 104 بدعنوانی کے ریفرنس زیر سماعت ہیں۔

چیئرمین نیب جاوید اقبال نے کہا کہ میگا کرپشن کے 179 میں سے 105 کیسز پر ریفرنس دائر ہوچکے ہیں، میگاکرپشن کے 15 کیسز انکوائری، 19 تفتیش کے مرحلے میں ہیں۔

Comments

comments

یہ بھی پڑھیں