The news is by your side.

Advertisement

چیئرمین نیب کا قائم مقام صدر زرعی ترقیاتی بینک کے خلاف تحقیقات کا حکم

اسلام آباد: چیئرمین نیب جسٹس (ر) جاوید اقبال نے قائم مقام صدر زرعی ترقیاتی بینک کے خلاف تحقیقات کا حکم دے دیا۔

تفصیلات کے مطابق چیئرمین نیب جسٹس (ر) جاوید اقبال نے میڈیا رپورٹس کا نوٹس لیتے ہوئے قائم مقام صدر زرعی ترقیاتی بینک شیخ امان اللہ کے خلاف بدعنوانی کے الزامات پر تحقیقات کا حکم دے دیا۔

نیب اعلامیہ کے مطابق قائم مقام صدر زرعی ترقیاتی بینک کی تعیناتی قواعد و ضوابط کو نظرانداز کرکے کی گئی ہے، زرعی ترقیاتی بینک 80 ارب مالی بدعنوانی کی وجہ سے واپس کرنے میں ناکام رہا ہے۔

چیئرمین نیب کا کہنا ہے کہ نیب راولپنڈی اختیارات کے غلط استعمال کی تحقیقات کرے، شیخ امان اللہ کی تعیناتی میں میرٹ کو نظرانداز کیا گیا ہے۔

مزید پڑھیں: نیب کا متبادل کوئی ادارہ نہیں جو غریبوں کے درد کو سمجھے، چیئرمین نیب

چیئرمین نیب نے مرحوم کرکٹر عبدالقادر کی 9 ماہ کی تنخواہ روکنے کے اقدام کا بھی نوٹس لیا ہے اور عبدالقادر کی تنخواہ سے متعلق زرعی ترقیاتی بینک کے خلاف تحقیقات کی ہدایت کی ہے۔

واضح رہے کہ چند روز قبل چیئرمین نیب جسٹس (ر) جاوید اقبال کا کہنا تھا کہ نیب کا متبادل کوئی ادارہ نہیں ہے جو غریبوں کے درد کو سمجھے، ہر کسی کی عزت نفس کا خیال رکھنا نیب کا بنیادی مقصد ہے۔

ان کا کہنا تھا کہ نیب کا مقصد کسی کو پریشان یا ہراساں کرنا نہیں ہے، ایسی ہاؤسنگ سوسائٹیزجو عوام کا پیسہ لے کر ملک سے باہر گئے وہ واپس آئیں، یقین دلاتا ہوں انہیں گرفتار نہیں کریں گے۔

چیئرمین نیب کا کہنا تھا کہ سختی ان سے کی جوملک سے بھاگے یا خود کو قانون سے بالاتر سمجھتے تھے، کسی کا خیال ہے کہ نیب میں حکومت کی مداخلت ہے تو یہ ذہن سے نکال دیں۔

Comments

comments

یہ بھی پڑھیں