The news is by your side.

Advertisement

نیب کام، کام اورصرف کام پرقانون کے مطابق یقین رکھتا ہے‘ چیئرمین نیب

لاہور: چیئرمین نیب جسٹس (ر) جاوید اقبال نے کہا ہے کہ میگا کرپشن کے مقدمات کومنطقی انجام تک پہنچانا اولین ترجیح ہے۔

تفصیلات کے مطابق چیئرمین نیب جسٹس (ر) جاوید اقبال نے نیب لاہورکا دورہ کیا جہاں انہیں ڈی جی نیب لاہورنے میگا کرپشن مقدمات پربریفنگ دی۔

اس موقع پرچیئرمین نیب کا کہنا تھا کہ متاثرین کولوٹی گئی رقوم کی واپسی بھی نیب کی اولین ترجیحات میں شامل ہے، نیب لوٹی گئی 297 ارب کی رقم قومی خزانے میں جمع کرانے والا واحد ادارہ ہے۔

جسٹس (ر) جاوید اقبال کا کہنا تھا کہ میگا کرپشن کے مقدمات کومنطقی انجام تک پہنچانا اولین ترجیح ہے، نیب کام، کام اورصرف کام پرقانون کے مطابق یقین رکھتا ہے۔

چیئرمین نیب جسٹس (ر) جاوید اقبال کے مطابق نیب لاہورکی کارکردگی نے مجموعی کارکردگی میں کلیدی کردارادا کیا ہے۔

ترجمان نیب کا کہنا ہے کہ چیئرمین نیب نے فیروزپورہاؤسنگ سوسائٹی کے متاثرین میں رقم تقسیم کی اورڈی جی نیب کی زیرنگرانی نیب لاہورکی کارکردگی کوسراہا۔

میگا کرپشن کے مقدمات کومنطقی انجام تک پہنچایا جائے گا‘ چیئرمین نیب

یاد رہے کہ گزشتہ ہفتے چیئرمین نیب جسٹس (ر) جاوید اقبال کا کہنا تھا کہ ملک سے بدعنوانی کا خاتمہ، اشتہاری اورمفرورملزمان کی گرفتاری ترجیح ہے۔

جاوید اقبال کا کہنا تھا کہ نیب کرپشن فری پاکستان کےعزم پرسختی سےعمل پیرا ہے، میگا کرپشن کے مقدمات کومنطقی انجام تک پہنچایا جائے گا۔

Comments

comments

یہ بھی پڑھیں