The news is by your side.

Advertisement

چیئرمین نیب کا آغا سراج درانی کے خلاف تحقیقات کا حکم

کراچی: چیئرمین نیب نے اسپیکر سندھ اسمبلی آغا سراج درانی کے خلاف انکوائری کا حکم دے دیا ہے، آغا سراج درانی کے خلاف غیر قانونی تقرریوں کی شکایت ہے۔

تفصیلات کے مطابق چیئرمین نیب جسٹس (ر) جاوید اقبال نے اسپیکر سندھ اسمبلی آغا سراج کے خلاف تحقیقات کا حکم دیتے ہوئے کہا ہے کہ آغا سراج درانی کے خلاف آمدن سے زائد اثاثوں کی چھان بین ہوگی۔

نیب اعلامیے میں کہا گیا ہے کہ سیکریٹری سندھ اسمبلی غلام عمر فاروق کے خلاف بھی تحقیقات ہوں گی، سابق سیکریٹری لینڈ یوٹیلائزیشن سندھ شاہ زر شعمون کے خلاف ریفرنس دائر کردیا گیا ہے۔

سابق ڈی جی سندھ بلڈنگ کنٹرول اتھارٹی منظور قادر کے خلاف ریفرنس دائر کردیا گیا ہے جبکہ وزیر ریلوے خواجہ سعد رفیق کے خلاف شکایات کی جانچ پڑتال کا حکم دیا گیا ہے، سعد رفیق پر مشینوں کی خریداری میں قواعد و ضوابط کی خلاف ورزی کا الزام ہے۔

واضح رہے کہ گزشتہ روز ڈی جی نیب پنجاب نے اپنے بیان میں کہا تھا کہ خواجہ سعد رفیق کی پراپرٹی کے لین دین میں شکوک و شبہات پائے جاتے ہیں۔

یاد رہے کہ چند روز قبل خواجہ سعد رفیق کو چیف جسٹس ثاقب نثار نے سپریم کورٹ لاہور رجسٹری طلب کیا تھا اور ریلوے میں 60 ارب روپے کی کرپشن کے حوالے سے پوچھ گچھ کی تھی، چیف جسٹس نے پاکستان ریلوے کا مکمل آڈٹ کرانے کا حکم دیا تھا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں