The news is by your side.

Advertisement

چیئرمین پیمرا کی تعیناتی: لاہورہائیکورٹ نے فریقین سے جواب طلب کرلیا

لاہور : چیئرمین پیمرا کی تعیناتی کے طریقہ کار کے خلاف درخواست پرلاہور ہائیکورٹ نے وفاقی حکومت سمیت فریقین سے دو ہفتوں میں جواب طلب کرلیا۔

جسٹس اعجاز الاحسن نے آفتاب باجوہ ایڈووکیٹ کی جانب سے دائر درخواست کی سماعت کی عدالت کو بتایا گیا کہ قانون کے مطابق چیئرمین پیمرا کی تعیناتی کا اختیار صرف صدر مملکت کو حاصل ہے مگر وزیر اطلاعات اپنے من پسند شخص کو تعینات کرنے کے لئے خود انٹرویوز کررہے ہیں۔

جبکہ چیئرمین پیمرا کے لئے درکار اہلیت میں بھی ترمیم کی جارہی ہے تاکہ من پسند شخصیت کو تعینات کیا جاسکے۔

درخواست گزار نے استدعا کی کہ عدالت حکم دے کہ چیئرمین پیمرا کی تعیناتی کے حوالے سےموجود قانون پر سختی سے عمل درآمد کیا جائے اور اہلیت کے حوالے سےقانون میں ترمیم نہ کی جائے۔

عدالت نے نوٹس جاری کرتے وفاقی حکومت سمیت فریقین سے دو ہفتوں میں جواب طلب کرلیا ہے ۔

Print Friendly, PDF & Email

Comments

comments

یہ بھی پڑھیں