چیئرمین پی آئی اےاعظم سہگل نےاستعفیٰ دےدیا -
The news is by your side.

Advertisement

چیئرمین پی آئی اےاعظم سہگل نےاستعفیٰ دےدیا

اسلام آباد : چیئرمین پی آئی اے اعظم سہگل نے استعفیٰ دی دیا ہے، استعفیٰ ایوی ایشن ڈویژن بھیجوا دیا گیا ہے،ترجمان پی آئی اے نے بھی استعفیٰ کی تصدیق کردی ہے۔

تفصیلات کے مطابق پاکستان انٹرنیشنل ایئر لائن کے چیئرمین اعظم سہگل نے اپنا استعفیٰ سول ایوی ایشن ڈویژن میں بھیجوا دیا ہے وہ چیئرمین ڈائرکٹر بورڈ کت عہدے سے بھی مستعفیٰ ہو گئے ہیں۔

اے آر وائی نیوز کے نمائندے محمد صلاح الدین نے بتایا ہے کہ سانحہ حویلیاں میں اے ٹی آر طیارے حادثے کے نتیجے میں معروف مذہبی شخصیت جنید جمشید سمیت 47 افراد جاں بحق ہو گئے جس کے بعد چیئرمین پی آئی اے شدید دباؤ کا شکار تھے۔


اسی سے متعلق : طیارہ حادثہ: جنید جمشید سمیت 47 افراد شہید 


ذرائع کے مطابق استعفیٰ کی وجوہات کا اب تک علم نہیں ہو سکا ہے تا ہم اعظم سہگل اے ٹی آر طیاروں کی پرواز کے خلاف تھے اور انہوں نے اے ٹی آر طیاروں کی پرواز بھرنے کی پابندی ختم ہونے پر سخت احتجاج بھی کیا تھا۔


یہ بھی پڑھیئے : جنید جمشید کی میت کی شناخت ہو گئی


ترجمان پی آئی اے نے چیئرمین اعظم سہگل کے استعفیٰ کی تصدیق کردی ہے، ترجمان کا کہنا ہے کہ چیئرمین پی آئی اے نے ذاتی وجوہات کی بناء پر استعفیٰ دیا ہے۔

واضح رہے چترال سے اسلام آباد آنے والی پرواز کے حادثے کی تحقیقات کے لیے وزیر اعظم پاکستان نواز شریف کی ہدایت پر ایک خصوصی ٹیم تشکیل دے دی گئی ہے جس میں پاک فضائیہ کیے افسران بھی اپنی خدمات پیش کریں گے۔

Comments

comments

یہ بھی پڑھیں