The news is by your side.

Advertisement

کراچی، بلاول بھٹو کو فضل الرحمان کا ٹیلی فون، جلد ملاقات کا امکان

کراچی: چیئرمین پیپلزپارٹی بلاول بھٹو اور جے یو آئی ف کے سربراہ مولانا فضل الرحمان کے درمیان ٹیلیفونک گفتگو ہوئی ہے۔

تفصیلات کے مطابق چیئرمین پیپلزپارٹی بلاول بھٹو اور مولانا فضل الرحمان کے درمیان ٹیلی فونک رابطہ ہوا، دونوں رہنماؤں کے درمیان سیاسی امور پر بات چیت کی گئی۔

ذرائع کا کہنا ہے کہ بلاول بھٹو اور فضل الرحمان کے درمیان جلد ملاقات کا امکان ہے، دونوں رہنماؤں کے درمیان اے پی سی اور رہبر کمیٹی کو مزید فعال کرنے پر اتفاق کیا گیا۔

دوسری جانب مولانا فضل الرحمان نے مسلم لیگ ن کے نائب صدر احسن اقبال سے بھی رابطہ کیا اور اے پی سی کے حوالے سے گفتگو کی گئی۔

مزید پڑھیں: حکومت نے مولانا فضل الرحمان کو کسی عہدے کی پیشکش نہیں کی، علی امین گنڈا پور

ذرائع کے مطابق مولانا فضل الرحمان اپوزیشن رہنماؤں سے رابطے کررہے ہیں اور 26 نومبر کو اپوزیشن کی آل پارٹیز کانفرنس بلانے کا فیصلہ کیا گیا ہے، اے پی سی بلانے کی تجویز اپوزیشن جماعتوں کی رہبر کمیٹی اجلاس میں سامنے آئی تھی۔

یاد رہے کہ 27 اکتوبر کو جے یو آئی ف نے کراچی سے آزادی مارچ کا آغاز کیا تھا، اسلام آباد میں 14 روز کے دھرنے کے بعد مولانا فضل الرحمان نے 13 نومبر کو دھرنا ختم کرنے کا اعلان کرتے ہوئے ملک بھر کے شہروں کو بند کرنے کا اعلان کیا تھا۔

جے یو آئی ف نے 19 نومبر کو دھرنے ختم کرنے کا اعلان کرتے ہوئے کہا تھا کہ اب ضلعی سطح پر مشترکہ احتجاجی جلسے کیے جائیں گے۔

fb-share-icon0
Tweet 20

Comments

comments

یہ بھی پڑھیں